Istanbul, Istanbul…

 

S’apre maestosa a porta turchina

Cum’è un crucivia à rente à u mondu

Istanbul

Un pocu di mè, un pocu di tè

Prufumi saliti trà e duie sponde

D’Istanbul

 

Vecu spuntà quì e sette cullette

E cuppule in celu di palme è cipressi

Istanbul

Sentu ch’ella  desta una chjama arghita

Brioni d’acelli da l’ale infinite

Istanbul

 

Istanbul Istanbul…Istanbul

 

Di chì mare sò l’omi di a to terra

Di chì terra sò l’omi di i to mari

Istanbul

Sentu batte quì a musica  para

Di tante sapienze è di venti rari

Istanbul

 

 

Fiore chì si spanna fighjendu u sole

Sentu quì deserti è muschi d’alloppiu

Istanbul

Ma quale serà u tontu pittore

Chì d’amore vintu t’hà vestutu d’oru

Istanbul

 

Sentu cuntrasta l’ore in carrughju

U portu è u fiume

D’Istanbul

A chjama casana hè mughju vanu

È si cala u lume

In Istanbul…

 

Istanbul Istanbul…Istanbul