LITERATURA SPARTA O SPAPERSA?

Hè presentatu in sta rubrica ciò chì l’associu, i so partenarii o i so currispundenti anu publicatu. Ci hè dinù robba stampata chì ci pare di ghjuvore da capisce, cunnosce o favurizà a pruduzzione literaria.
Unu trà i prublemi di a literatura corsa hè a manera -spapersa assai è incerta- ch’ella si stampa, publicheghja è sparghje a pruduzzione.

U libru chì sparisce…

Spessu spessu un libru sparisce subitu chè publicatu è ùn si ne trova nisun esemplariu. Certe volte, mancu indirizzendu si à l’editore, puru cumandendu lu per mezu di una libreria. In isse cundizione i libri accade ch’omu l’ammenti senza avè li mancu sfuglittati.
Dunque, sarà accolta quì è presentata ogni publicazione ch’è no puderemu insignà.

Fate sapè…

Ghjova dinù ch’è no mettimu inseme ciò ch’è no sapemu di i libri è publicazione quand’elli escenu. Dunque, insignate ci puru i tituli ch’è vo cunniscite è ch’è vo vulereste fà cunnosce.

È s’ella vi garba di aghjunghje dui filari dendu ci u vostru parè d’isse letture, dite a vostra, chì a senteremu cun piacè.