E fisce PDF, e pudete fighjà quì sottu. Cù a figuretta quassù in cima di u ducumentu à dritta, puderete apre issu PDF in un’altra pagina. Cusì si pò vede nantu à u scraniu sanu. In fondu di a pagina, una leia vi permette di telecaricà isse fisce PDF.
Micca luntanu da A Ponte à a Leccia, eccu una spassighjata magnifica partendu da quellu bellucciu paese di Castiglione, da a banda di l’Ache di U Pulasca, è pè andà sinu à l’Arca bellissima d’Alsatu. Simu chjappi da l’incantesimu di a Natura, 700 metri di slivellu pusitivu per 11 chilometri, fù una bellissima ghjurnata di vaghjime sottu à u sole.
Si merita l’Arca, dopu una piccula falata vicinu à u paese, l’attippata è in cuntinuu, emu cruciatu solu un cavallu è vitelli... L’Arca ùn si vede chè à l’ultimu, dopu una stinzata in un petricaghju ch’ellu si pò schisà passendu nantu à a manca. A vista nantu à l’Achi hè da sfiatà vi... L’emu propiu meritatu u rompidighjunu imbellitu cun bella roba purtata da unu è l’altru. A spassighjata, hè fatica sana è dinù cunvivialità !
Attenti vè ! s’è vo vi lampate in issa ventura custindi, u chjassu hè insignatu malissimu !!!
Arca in petra, un esempiu trà tanti altri in Corsica, a più maiò essendu quella ch’ellu face U Tafunatu
Eccu dui caracuti assignalati.
Aghja incù i so baroni
Ombra di l’arca stampata nant’à e parete vertiginose chì sò sottu
Pianu ghjimbatu d’Alsaltu, luntanu a forma à manca di u San Petrone chì si vede da ogni puntu.
Una valle salvatica è pratica pocu è micca chì và sinu à Cima à i mori
Accessu : Da a girata à forca di a Ferratoghja in a strada D84 à pocu pressu à 3 chilometri è mezu di a Bocca à Verghju quandu si vene d’Evisa, à mezu à a furesta di Valduniellu; Carta IGN Top 25 Corti Monte Cintu (piechi D1 è D2) o Portu 4150 (quatrumila è cintucinquanta OT (piechi C10 /C11)
E fisce PDF, e pudete fighjà quì sottu. Cù a figuretta quassù in cima di u ducumentu à dritta, puderete apre issu PDF in un’altra pagina. Cusì si pò vede nantu à u scraniu sanu. In fondu di a pagina, una leia vi permette di telecaricà isse fisce PDF.
Mariella Clementi si n’arricurderà di stu Natale 2021!
Cume aghju fiascatu a mo cena di Natale...
Per via di u Covid, st'annu celebreremu Natale tramindui. Prepararaghju una festa degna di tè, u mo Principe.
Sò turnata di Centuri cù duie belle arigoste. Mentre a mo Mini ingola e girate è l'asfaltu di ‘ssa strada tipica sinuosa di u Capicorsu, assavu in avanzzu u nostru incontru di sta sera.
Vi vogliu intrattene di ste cabine telefoniche ch’è vo trovate in i carrughji di Bastia, colme di libri.
L’idea ùn hè micca nata quì in Corsica, per una volta u bonu vene d’altrò.
Si tratta di barattà i so libri trà lettori appassionati, sustene un'economia di a spartera, di u donu è dà una seconda vita à issi libri chì, aspessu, s'annoianu in i placcà.