Versione :
Francese

A FUNZIONE DI L'ATTORE - 2

      Un'altra tappa di l’intervenzione hè dedicata à u metudu d’interpretazione. Avanza l’idea ch’ella ci hè una gramatica di u ghjocu di attore. Hè quessa à pudè fà accettevule tutti l’enunziati è à rende li efficaci ghjuchendu. Stanislavski hè cusì ch’ellu hà cercu à fà definiscendu una à ressu à l’altra e facultà riquiste : memoria, imaginazione, arte di u dì, sensibilità, ordine di a sensazione. Una rimarca s’impone pè D.Boissel : l’attore ùn si dirige ! Un mettore in scena, ùn hè micca un ingeniere! U travagliu di l’attore hè doppiu : azzione nantu à sè stessu ; cerca di u muvimentu di ribattu. Travaglià nantu à sè stessu è po dopu, cusì facendu, permette a creazione di un spaziu duv’elle venenu pussibule e cose. Si trattasecondu u dettu di Faulkner di vede ch’ellu hè tante porte da chjode quant’ellu ci hè porte da apre ! Per cunsequenza, si deve ricusà tutte isse pretese definizione di u ghjocu d’attore chì dicenu: identificà si, esse u persunagiu, piglià si un testu, dirige un attore, esse sincere! Tanti sbagli di strada chì palesanu una sola cosa : l’errore fundamentale in quantu à a funzione di l’attore.