SPASSIGHJATE : Capraia? Elba? Ma Monte Cristu?

Ludovic Baris-Pezet est avec Ghjacumu Thiers.
 

"Dunque hè ropa di primura, ma ci primureghja di più à sapè qual’elle sò e trè isule. Pè Capraia hè guasi sicura. Hè quella quallà, più à u nordu chè l’altre duie. Elba seria questa quì… in punta di u mio ditu. Hè logica ch’ella si veca megliu, chì hè a più vicina. D’altronde Monte Cristu ùn si distingue micca sempre. Serà u tempu ch’ellu face o e fole chì l’incuronanu, ùn ci hè manera à distingue la da veru. Di invernu, a timpesta tira i tendoni neri di e burriane è di estate u riverbaru spula tutte e forme è i culori in una vampa di lume. A nebia di l’auturnu vene à appanisce ogni ligna chì puderia guidà a vista. Ferma solu u veranu. Ma durerà quanti ghjorni in i nostri rughjoni ? Ci hè dinò, in ogni stagione, a libecciata chì spazza ogni incertezza. Ella sì chì puderia palisà u veru, ma solu per trè, sei o nove matinate chì vi lampanu à tracorre pè strette, piazze è carrughji. E’ in più, ùn ci hè asgiu à fidighjà u mare. Dice chì seria... dice chì seria natu quì, u libecciu. Face chì, di solitu, l’isule si ghjocanu à piattatelle. Quandu una, quandu l'altra. Si affacca Elba o spunta Monte Cristu. O unu o l'altra. Tremindui à tempu mai, è cusì ridenu di u sgardu di a mo ghjente. Sò cunvintu chì issa dispusizione meteurulogica è geugrafica spieca tuttu u cuntegnu di i nostri citadini, a so attitudine in ogni cosa, i passi chì portanu di pettu à u mare, l'ochji stupiti lampati à u mare infinitu, è i goviti appughjati nantu à e ringhere penserose. Cacciate ci isse variazione di tempu è tuttu torna lindu, cum'è prima: u Tirreniu si sparghje in pienu splendore. Tandu Capraia, Elba è Monte Cristu, sò tuscane quantu ellu si pò esse. Quella di l'isule, per mè, hè un affare impurtantissimu. Cù e trè in vista, pudemu esse. U tira è molla trà Elba è Monte Cristu ci caccia tutti i nostri limiti è lega i nostri sguardi cù u mare. » THIERS Ghjacumu, A Funtana d’Altea, éditions Albiana, 1990, pp.62-63.


"C’est donc une chose importante, mais il est encore plus important de savoir quelles sont ces trois îles. Pour Capraja, c’est presque sûr. C’est celle-là, plus au nord que les deux autres. L’Ile d’Elbe serait celle-ci... au bout de mon doigt. Il est normal qu’on la voie mieux: c’est la plus proche. D’ailleurs on ne distingue pas toujours Monte Cristo. Est-ce dû au temps qu’il y fait ou aux légendes qui l’environnent ? Il n’est jamais possible de la distinguer vraiment. L’hiver, la tempête tire les rideaux noirs de ses rafales et l’été, la réverbération disperse toutes les formes et les couleurs dans une bouffée de lumière. Le brouillard de l’automne vient embuer chaque ligne qui pourrait guider la vue. Il ne nous reste que le printemps, mais combien peut-il durer dans nos contrées ? Il y a aussi, en toute saison, les coups de libeccio qui balaient toute incertitude. Ils pourraient nous révéler la vérité, mais seulement durant les trois, six ou neuf matinées où ils vous jette dans les ruelles, les places et les rues où vous avez du mal à tenir debout. On n’a guère, alors, le loisir de regarder la mer. On dit qu’il serait né ici, le libeccio. Le résultat est que, d’habitude, les îles jouent à cache-cache. On voit tantôt l’une, tantôt l’autre. L’Ile d’Elbe se montre, ou bien c’est Monte Cristo. L’une ou l’autre. Jamais les deux en même temps: elles se moquent du regard de la population. Je suis convaincu que cette disposition météorologique et climatique explique le comportement de nos concitoyens, leur attitude en toute chose, les pas qui conduisent en direction de la mer, les regards étonnés lancés à la mer infinie, et les coudes appuyés sur les rampes pensives. Otez-nous ces variations du temps et tout redevient calme, comme avant: la Mer Tyrrhénienne s’étale dans tout son éclat. A ce moment-là, Capraja, Elba et Monte Cristo sont toscanes autant que l’on peut l’être. Pour moi, la question des îles est une chose des plus importantes.  A ce moment-là, Capraja, Elba et Monte Cristo sont toscanes autant que l’on peut l’être. Pour moi, la question des îles est une chose des plus importantes. Car nous pouvons exister, si nous les avons toutes les trois sous les yeux. Les hésitations entre l’Ile d’Elbe et Monte Cristo brouillent toutes nos limites et rivent nos regards à la mer.» Jacques THIERS Les Glycines d’Altea, éditions Albiana, 1992