Versione :
Corsu

U SAN FIURENZU

 

 

Ùn sentu sunà e campane
À la ghjesa di sant'Anna
À u sprochju di a mane
À quell'ora paesana
Di e spassighjate cutidiane
Ma duve sò ste campane?

O ma duve hè stu rimore
Chì d'un paese porta l'amore!
Guasi si ne sò scurdati
Cum'è d'a storia spugliati...
Si sbaglia ancu u prete à l'altare
Ma si cunnosce di più l'altru mare

Mare Nostrum dice u Rumanu
Cersenum fatta D'a so manu
Di la cità a sgrussulata
Ma issa terra serà brusgiata
Ùn dice piu " Cristianu"’ssu puetanu
Sè oramai ci hè sempre un'umanu...

Nondimenu quanti Sò passati
Batelli, soldi è tant'affanni
Quanti si sò aghjumpati
È sti guerrieri di tant'anni
Ma duve seranu passati
Lasciendu e so valore, marturiati...

Di la nostra ghjuventù
U Corsu ùn si sente più
Quellu chì hè schiettu è puru
O Diu fussi la puru
Chi di l’anziani lu penseru
C’hà da purtà à l'addisperu

S'ella fiurisce a Cunfraterna
Serà sta stella luminosa
Diu d'Israele cum'ella hè furiosa
Chì’ssa notte ceca ùn pò esse eterna...

 

Julian Mattei