Sia tù stessa

Ùn sì un camaleone, scambiandu di culori

Per piace à l’altri, hè un’ illusione.

Sia tù stessa, sputica è vera,

Ùn t’inturchja micca, ùn ti rompi micca.

Interessante, piacevule, distrattiva ?

Isse parolle ùn ti definiscenu micca.

A to voce, i to sintimenti, lascia li alzà si.

Ùn li zittà micca, ùn li rinspinghje micca.

Aperta, spuntanea, sucevule ?

Isse maschere ùn ti currespondenu micca.

Sdriglia, bella, attraente, issi criteri

Ùn sò chè chimere è acchjappatoghji.

Vali oru, tale chè tù sì, unica è rara,

Ùn circà à paragunà.

E personne bone à tè veranu,

Ti teneranu cara per quale tù sì, tù.

A vita hè corta, prufitta ne à fondu,

Ùn lascia à nimu impastughjà a to strada.

A to felicità hè preziosa, piglia ne cura,

È alluntana quelli chì, palle di cannone rughjinose, ti sciaccanu.

Sia tù stessa, hè u più bellu rigalu,

Chè ti poi offre, hè un credu.

Ùn ti scurdà mai di u to valore, a to forza interiore,

È splendi di tutti ‘ssi fochi, senza intenditura.