PROLOGU

V’emu da prisentà a storia di u duttore Knocku.
Ghjè un duttore stranu... malignu... suldaghju.... fantascu ma... astutu, ... chì trova malatie à a ghjente ch’ùn hè malata è chì rende cusì a ghjente felice…!

Knocku ci piace assai perchè :
-Knocku… hè un nome appena bizarru …
-Knocku… cum’è una scatula di soldi chi si chjode …
-Knocku… cum’è una piccatura nant’à e cule…
Dice cusì :" a persona in bona salute ùn sà forse micca ... ch'ella hè malata!"

Ma…Attenti!... ancu ellu si crede in bona salute...!

i nannuli daretu ripiglianu ciò chì hè dettu....

SCENA 1
U duttore KNOCKU compra u cabbinettu.

U duttore Knocku s’hà da cumprà u cabbinettu di u duttore Stroppiatuttu chì si ne và in cità. A moglia si ne vole andà chì u maritu ùn hà clienti. Si sbarrazzanu di u cabbinettu.

Mma Stroppiatuttu : ùn c’hè nimu mancu oghje !
U duttore Stroppiatuttu: chì voli fà, ùn sò mai malati quì !
Mma Stroppiatuttu : sì tù, si, chì si un sumere di duttore ! ùn mi possu cumprà nunda ! ùn avemu soldi ! ùn aghju ne vestiti, ne cappelli, ne scarpi à a moda … ! ùn possu mai cumandà nant'à Zalando!
U duttore Stroppiatuttu : chì voli fà?... piglianu e tisane... è quì ùn venenu micca ! ùn hè colpa mea …o chérie...
Mma Stroppiatuttu : iè ! chì hè colpa toia ! à quelli chì s’affaccanu … li dici : ùn hè nunda ! andate puru ! Andate o madama... state à u caldu....basterà...!
Aiò andemucine di stu tufone! Andemu in Bastia ! mi piacerebbe à mè !...Oh Bastia !...Bastia...!
A piazza San Niculau.... I ghjacci di Raugi...! I magazini...! U corsu Paoli...!
U duttore Stroppiatuttu: Allora ? ùn c'hè quì dinù u corsu Paoli?!
Mma Stroppiatuttu : hu! Chì c'hè quì?..Trè magazini ! Sempre e listesse facciacce!
U duttore Stroppiatuttu: Mà innò... mà innò ...u mo fioru....
Mma Stroppiatuttu pienghje, stridda: Iè !micca innò!UH UH UUUH ùn ne possu più...! aghju da scimisce....ANDEMUCINE ANDEMUCINE....UH UH UH
U duttore Stroppiatuttu: a credi ? ci seranu i malati quallà ?
Mma Stroppiatuttu pianta à l'instante di pienghje : di sicuru ch’o a credu ! più c’hè ghjente è più c’hè malatie ! o baullò ! mi dumandu cum’è tù sì duttore !!! è di sicuru ci serà a ghjente menu stretta chè quì!
Pichjanu à a porta.
Mma Stroppiatuttu tutta cuntenta: ha! un malatu...entrate !
Knocku :bonghjornu ! aghju intesu parlà di un cabbinettu di duttore à vende .... ?
Mma Stroppiatuttu : ghjustu à puntu !!
U duttore Stroppiatuttu: vendu u mo cabbinettu, mi ne vò in Bastia…
Knocku : mi pare bè stu cabbinettu...cumu hè chì vi n'andate ...?
Mma Stroppiatuttu : ci n'andemu chì vulemu cambià d'aria....
U duttore Stroppiatuttu: Iè per cambià d'aria....a mo moglia affoca quì...
A moglia si face u ventu cù un sparaventulu.
Knocku : ci sò i malati quì almenu ?
Mma Stroppiatuttu :IÈ ! assai !
Knocku :c’hè a grippa ?
U duttore è a moglia : iè ! tutti l’anni !
Knocku:c’hè u russettu ?
U duttore è a moglia : iè ! tutti l’anni !
Knocku :ci sò i rumatisimi ?
U duttore è a moglia : iè ! tutti l’anni !
Knocku:c’hè a pena in corpu ?
U duttore è a moglia : iè ! tutti l’anni !
U duttore Stroppiatuttu: ancu a cagherella !
Knocku: Ci sò i soldi?
U duttore Stroppiatuttu: Micca tropp.....
Mma Stroppiatuttu : Iè ASSAI!
Knocku: Ci n'hè o ùn ci n'hè??
U duttore Stroppiatuttu: Iè! ci sò ma ... sò stretti!
Knocku: STRETTI??!! ùn vole dì nunda stretti!...Bon...c’hè a pena in capu ?
U duttore è a moglia : iè ! tutti l’anni !
Mma Stroppiatuttu : ancu a scimura !
Knocku :ha ! c’hè a scimura ….. allora femu affare !
pichjate quì !
S’anu da pichja ind’a manu, ma Knocku ùn pichja micca à l’ultimu mumentu.
Aspettate ! a ghjente facenu i scechi o paganu in liquidu?
U duttore è a moglia : iè ! tutti l’anni !
Knocku : à u publicu mi parenu pazzi à mè questi quì ! casca bè !
In una valisgia piglia pachetti di biglietti è i dà à u duttore Stroppiatuttu.
Hè detta , compru u vostru cabbinettu cù tutti i vostri clienti ! quantu ne vulete?
U duttore Stroppiatuttu: prima di piglià i soldi, ma...aspettate appena ! l’avete u vostru certificatu di duttore ?
Tandu a so moglia hè annerbata…
Knocku : eiu certificatu ùn ne aghju ! ùn aghju bisognu !
U duttore Stroppiatuttu: cumu ?? cumu ???
Knocku : saperete o amicu chì ancu senza certificatu curu tutti i malati ancu i più strani :
Quelli chì anu i pedi troppu longhi,… quelli chì volenu dorme cent’anni, …quelli chì si perdenu ancu in casa soia,… quelli chì ùn trovanu à maritassi, …. quelle ch’ùn volenu fà pulizia in casa soia, ….quelli chì volenu amparà senza leghje, … quelli chì sò troppu astuti, ….

Cunnoscu per core tutti e cumposizione è a posologia di parechje medicine .....
è què dipoi l'età di 10 anni!
....m'era sempre un zitellettu chì ....
U duttore è a moglia : maravigliati, pronti à parte e so valisgie in manu, li taglianu a parolla
và bè ! allora femu puru affare ! iè ? femu affare … ??...
Voganu appressu à Knocku chì li face fà u giru di a scena daretu à ellu senza dà li i soldi.
Knocku : tenì i vostri soldi !
Allè avvedeci ! è tante salute in Bastia !

A sala d’aspettanza hè viota ! mettimu stu panellu intantu !
Nant’à u panellu c’hè scrittu : « CUNSULTAZIONE À GRATISI TUTTI I LUNI »

SCENA 2
Madama Nevebianca trè servi nannuli è u spechju

Trè nannuli ghjunghjenu in casa cantendu ma cù a paura di discità à Madama Nevebianca chì hè gattiva cù elli. L’altri nannuli sò scappati.

Madama Nevebianca si fideghja ind’u spechju è li dumanda s’ella hè sempre a più bella.
Madama Nevebianca: Spechju, u mo spechju, sò a più bella ?
U spechju: Iè o Zezetta, sì tù a più bella !
Madama Nevebianca: Ho, a sapia digià ! avà possu dorme tranquilla !

Madama Biancaneve s’addurmenta nant’à u so futtogliu. Mentre stu tempu entrenu trè nannuli.I nannuli ghjunghjenu infilarati in casa cantendu ma cù a paura di discità à Madama Nevebianca chì hè gattiva cù elli. U spechju li face segnu di stà zitti.
LES CORNICHONS musica ( Nino Ferrer) 1
I NANNULI ghjunghjenu ballendu.
Nannulu 1 : Zittu, s’hà da discità, face a so siesta !
Nannulu 2: dopu ci mena torna !!
Nannulu 3 :HUUU ! Huuu ! Huuuuu !
Nannulu 1: O cacagliulò ! Zittu !!! chì a disceti !
Nannulu 2: Eccu ! l’ai discitata !
Tandu Madama Nevebianca apre l'ochji , annerbata è i liteca.
Madama Nevebianca: à 1, Ma induve sò l’altri ? induve sò i vostri fratellacci ?
Nannulu 1 : Ùn la sò micca … !
Madama Nevebianca: Iè chì a sai !!!! dilla !!!
à 2, Induve sò ? Sò scappati ???
Madama Biancaneve i scuzzula è li mena.
Nannulu 2 : ùn la sò micca ! Aïe ! Aïe !
Madama Nevebianca: à 3 Tù dimmila ! induve sò i vostri fratellacci ?
Nannulu 3 : Nu a sò!...HUUU ! Huuu ! Huuuuu !
Madama Nevebianca: Cumu aghju da fà avà ?! tamanta casa à pulisce ! ùn mi ne ferma più chè trè di sti nannulacci ! Bon d'accordu...unu l'aghju tombu....mà ùn mi ne resta più chè trè...O signore ! povera à mè !
e mo unghje...! finita a french manucure !
struvinà cù u spinu ch'aghju....! aghju da esse gobba!
aghju u mo chì fà à occupammi di a mo persona!
I nannuli 123 à u publicu:
Và bè !
è pò c'hè u travagliu custì...!
Assai travagliu!

Si guarda ind’u spechju , assestendusi i capelli.Quandu u spechju li risponde i nannuli piantanu è stanu à sente.
Madama Nevebianca: O spechju ! sò a più bella !?
U spechju: Iè o Zezetta, sì a più bella !
Madama Nevebianca: Sì tù u più bravu in sta casa ! U mo pechjucciu !
S’addirrizza à i nannuli, annerbata.
Madama Nevebianca: Postu ch’ellu hè cusì, tù vai à lavà i cabbinetti ! DI FURIA !
Nannulu 1 : Oh innò micca i cabbinetti !

Madama Nevebianca: È tù vai à lavà e mo calzette ! SPICCIATI !
Nannulu 2 : Oh innò micca e calzette !

Madama Nevebianca: È tù vai à lavà e mo culotte ! MOVITI ! O PIENGHJÒ!è struvina bè!
Nannulu 3: Oh innò micca e culotte !
Si guarda ind’u spechju.Quandu u spechju li risponde i nannuli piantanu di travaglià è stanu à sente.
Madama Nevebianca: O spechju ! sò a più bella !?
U spechju: Innò !!! Sì goffa o Zezetta, sì goffa cum’è un pidochju !!!!
I nannuli : IEEEE !!!!
Madama Nevebianca: Ho ! disgraziata ! innoooo ! Ghjè un sunniacciu !!! Oimè ! Ditemi ch'ò sunnieghju!

I nannuli unu per unu dicenu à Mma Nevebianca ch’elli ùn facenu più. Mma Nevebianca pienghje, si lagna. Hè in ghjinochje è stridda.

Nannulu 1 : O casgiò ! puzzi u casgiu !
Nannulu 2 : Nettale tù e to calzittacce !
Nannulu 3: Tè e to culottacce! e li lampa addossu
Nannulu 1: I nostri fratelli sò partuti ind’è Madama Sunnulona…
Nannulu 2: ella hè brava !
Nannulu 3:Tù sì una strega !

Madama Nevebianca: O povera à mè! Chì facciu avà?!
sò goffa! hu hu hu!! sò goffa! ùn mi resta più chè a chirurgie esthétique!
è issi nannulacci... chì virus averanu chjappu? ...
U spechju: O ...Zezetta....
Madama Nevebianca: CHÈÈÈ ??!! CHÌ VOLI!?? TÙ DINÙ!
U spechju :O ...Zezetta....ùn dicu chè a verità eiu....
Madama Nevebianca : Eh bè merci!
U spechju: Vai ind'è u duttore Knocku... per tè ...è per i nannuli....ùn si sà mai....pare chì cura e malatie ancu e più strane...
Madama Nevebianca : I mo nannuletti venite venite ind'è tata! i mo nannulucci !
v'aghju da dà qualcosa...i mo cheris.....!
LES CORNICHONS musica ( Nino Ferrer) 1
Mà i nannuli ballanu è nu i pò chjappà.

SCENA 3
Madama Sunnulona, trè nannuli

Mma Sunnulona hè nant’à u so futtogliu , prova à dorme ma ùn ci riesce . U principe hà da ghjunghje fra pocu è quella s’annerba ancu di più. I nannuli li facenu a pulizia. U spechju hè vicinu à ella.Mma Sunnulona hà u so ordinatore in manu.
Mma Sunnulona: Eccu aghju trovu à qualchisia nant'à MEETIC. Un Principe! sò cuntenta....Oh cumu sò cuntenta! hè bellu! astutu! bon... hè spagnolu ma ùn face nunda ...ampareraghju u spagnolu!
Un hà da stà tantu à ghjunghje…..
HAPPY (Pharrell William) 2
Nannulu 4: chì struvina in terra à i pedi di a signora Quì almenu si stà bè ! Tù sì bella è sì brava, Mma Nevebianca era una strega cù noi ……
Mma Sunnulona : chì stà à ochji sburlati, chì si vultula AHU ! ùn possu più dorme. Provu provu ma ùn ci riescu …. Povera à mè , cumu aghju da fà …..ci vole chò mi riposi appena! si fideghja nù u spechuj. Dopu appena di crema è anderà!allez dodo!
Nannulu 5 : chì si fuma una sigaretta – Oh ! quì si pò fumà …..cullà ùn si pudia respirà, ci minava sta scema …..face assai fume è Mma Sunnulona tussisce.
Nannulu 6 : O zitelli … sò quattr’ore .. ! u principe ghjunghje à cinqu’ore !
Mma Sunnulona: BASTA TÙ !! m’annerbi cù l’ora ! a sapemu ch’ellu hà da ghjunghje u principe !
ùn possu dorme ! Spechju ! fà qualcosa !
U spechju : Sì tù a più bella ! o bella Sunnulona !
Mma Sunnulona: Quessa a sò ! sunnulona...sunnulona …! sò bella discitata sì ! ma cumu fà pè dorme ? AIÒ !
Nannulu 4: annerbatu , ai durmitu cent’anni ! avà ùn poi dorme un’ora ! umbeh !
Nannulu 2: striddendu ,m’annerbate tutti ! spezzia di nannulacci ! aghju capitu perchè Mma Nevebianca vi minava !
Nannulu 5 : Sò cinqu’ore ! Millu millu u principe ! avà ghjunghje …
Nannulu 6 : cum'ellu hè bellu!!
PASODOBLE 3
Entre u principe spagnolu .
U principe : Hola hola hola!
I nannuli: Olè!
U principe : Pero que es ??? por Bacco ! No me gustan las rubias yo prifiero las morenas!
Ùn mi piacenu e bionde ... preferiscu e brune !
Tuttu stu viaghju à cavallu PER ... QUÈ ! stu cageot! uh! sò STANCU MORTU !
U spechju : Basgiatela O Signore Principe ! AIÒ !chì noi ùn ne pudemu più !
U principe : No puedo bessarla ! ancu per favvi piacè ! nù a possu basgià ! nù a possu spusà ! S'ella era bruna …. !Ha Madona ! Chì facciu avà ?? Tornu in Madrid!
U spechju : ...A basgiate è dopu scappate !... a vi lasciate ! intantu face digià a depressione allora ! ùn riesce più à dorme …. Tuttu u mondu l’annerba ….ùn ne pudemu più noi !
Nannulu 4 : Chì femu NOI ?? BUUUH !
Nannulu 5: aiò basgiatela ! fateci piacè ! aiò ! simu digià scappati da ind’è Mma Nevebianca … Induve avemu da andà avà ???
Nannulu 6: avemu da diventà SDF... sì ! quessa a sentu …. HUU HUU HUU !
Mma Sunnulona pienghje , i nannuli cercanu à allusingala ma ella stridda è si lagna.
U principe : state à sente,escuchenme, escuchenme, connoscu un duttore, u famosu duttore Knocku chì cura tutti e malatie anche e più strane …purtatela !!
el lunes no se paga … !
Adios! hasta la vista!
I nannuli: Olè!
U principe sorte lascienduli tutti chì si lagnanu è pienghjenu.
U spechju : O zitelli ! BASTA CUSÌ ! A portu eiu ind’è u duttore …. aghju un amicu chì ci travaglia!
Mma Sunnulona: andemu, …..andemu ….hè bellu u to amicu...?....

Scena 4
A zitella in scola

A zitella ch’ùn pò amparà è a maestru, in scola.
A zitella hè calata.
CORRI CORRI O ZITELLINA (Antoine Ciosi) 4
A zitella : Unu più unu …. Unu più unu … facenu … facenu …..
Si gratta u capu, sott’à e bracce, e cule...
Unu più unu … facenu …ONDECI !
A maestra: Quantu facenu unu più unu ?
A zitella : unu più unu ... ? ! ….. quantu facenu unu più unu ???......
A maestra: Iè ! Ti dumandu QUANTU FACENU UNU PIÙ UNU !
A zitella : unu più unu... ? ! ….. FACENU ONDECI ???......
A maestra: ondeci!!?? Allez allez rifletti...Quantu facenu zeru più zeru ?
A zitella : zeru più zeru ... ? ! ….. quantu facenu zeru più zeru ???......
A maestra: Iè ! Ti dumandu QUANTU FACENU ZERU PIÙ ZERU !
A zitella : eh ben … zeru più zeru …facenu …U CAPU DI TOTÒ ! !
A maestra: U CAPU DI QUALE ??? ùn ne possu più ! spezia di zucca ! avà chjamu à mammata !
A zitella colla arrita nant’à a seria.
A zitella : U CAPU DI TOTÒ ! U CAPU DI BABBÒ ! U CAPU DI MAMMÒ !

Un mumentu dopu ghjunghje a mamma.

A mamma :Iè ! m’avete chjamatu ? chì si passa ?
A maestra Chì si passa ? chì si passa ? ùn capisce nunda ! è pò ride … ùn stà micca à sente ….Ùn sò più chì fane ! ùn ci entre NUNDA !
A mamma :Ùn capisce nunda ???? Cumu ?? Cumu ??? Sò stunata .. !
A mammone :ùn capisce nunda ?? una zitella cusì degurdita...! sò stunata...!
A maestra:Eiu ùn possu più fà tanti affari cù STA SUMERA … l'aghju pruvate tutte...!
A mamma : ùn ci pudete nunda ?? CUMU ? cù una zitella cusì astuta ?? è voi ùn ci pudete nunda ??
A mammone :Ghjè di sicuru perch’ella hè TROPPU ASTUTA !
A mamma :Aghju da purtalla ind’è u famosu duttore Knocku
A mammone : chì ci capiscerà più chè voi !
A zitella : Knocku ? ? Quale ?! Knocku quellu chì hà tombu à pépé ?? INNOOÒ !
A mammone : Aiò zitta tù !
A maestra: Purtatela! purtatela! s'ellu ci pò qualcosa ... ma ùn aghju mai vistu sumeri diventà cavalli...
A mamma : Veni o figliulella .. VENI ! veni andemucine !
A mammone : hè vera chì issu duttore à mè…mi piace pocu…
A zitella : hà tombu à pépé…. !!
Sortenu, a mamma trascina a figliola.

SCENA 5
Nenetta è u so maritu

A moglia ùn face più nunda in casa.U maritu s'annerba.
LA BOUDEUSE (Tino Rossi) 5
U maritu :Chì si passa!!?? ùn ai ancu messu i piatti?
Nenetta :Innò!
U maritu:Focu spentu è pignatta rotta ancu oghje!
Nenetta :Iè!
U maritu:ùn ai fattu nunda mancu oghje?
Nenetta :Innò!
U maritu:Purtantu avie u tempu! eiu era in caffè è aghju lettu tuttu u giurnale!
Nenetta :Iè!
U maritu:I cannelloni chè tù mi facie ... ùn ne voli più fà?
Nenetta :Innò!
U maritu:E frittelle cum'è quelle di mamma... a sai ch'elle mi piacenu?
Nenetta :Iè!
U maritu:È allora ? Ti piacenu ancu à tè...!
Nenetta :Innò!
U maritu:Dì puru chì a mo mamma t'annerba!
Nenetta :Iè!
U maritu: Purtantu si bella cuntenta quand'ella porta i canelloni ,... e lasagne fatte è leste !...
Nenetta: Innò !
U maritu: Ha ! ma vecu qualcosa! m'ai fattu u mo hamburger preferitu! u supermegaburger?
Nenetta: Iè!
U maritu:piglia u piattu a carne hè una suletta.Ma sta carne hè tracotta! a faci apposta!!!?
Nenetta :Innò!
U maritu:Mà chì si passa? A sai chè tù sì a mo moglia?
Nenetta :Iè!
U maritu:È allora!?? Sì scimita?
Nenetta :Innò!
U maritu:Mamma a m'avia detta! ùn ti marità cun Nenetta ! ùn ti marità cun Nenetta! Pigliati piuttostu à Zezetta! A cunnosci à Zezetta?
Nenetta :Iè!
U maritu:à u publicu Ma peccatu !.. cusì goffa...! è pò una scimura... la folie des grandeurs! allora... aghju preferitu spusà à Nenetta! brava, astuta, bella, OBBEIENTE....
Nenetta :Innò!
U maritu:Cumu aghju da fà?? o poveru à mè! mi voli tumbà?
Nenetta :Iè!
U maritu:Ùn pò più durà!
Nenetta :Innò!
U maritu:Andemu ne u duttore!
Nenetta :chì s'arrizza di furia Iè!
U maritu: HA... per sorte sì a prima! Pigliami u mo cappellu azzingatu cullà!
Nenetta : Innò!
Và e piglia u so capellu è sortenu.

Tutte e volti chì un malatu hà da entre ci hè u prete chì vole entre à a so piazza.
Di tantu in tantu, Knocku è u servu si beienu un buchjeru di vinu.

SCENA 6
Mma Nevebianca ind’è knocku

Knocku hè à u so scagnu è scrive. U servu assesta i strumenti medicali.

Knocku : O Antone, fà entre un malatu !
U servu: O Madama tocca à voi ?
Mma Nevebianca : Iè tocca à mè !
U servu: Allora entrate puru …
Mma Nevebianca : Oh tocca à mè per piacè!à u prete allez voi muvitevi !à i nannuli
Da a sala d’aspettenza entre mma Nevebianca cù i nannuli.
Knocku :O Antone aghju dettu UN malatu ! micca tutti à tempu !
Mma Nevebianca: Sò tutti cù mè !
Knocku : Qual’ hè u malatu custì ?
Mma Nevebianca: pienghjendu. Sò tutti malati … ùn ci capiscu più nunda! nanzu eranu obbeienti, struvinavanu, spazzavanu, lavavanu … avà nù i possu più cumandà... mi ghjocanu à a risa!

Knocku ausculta i nannuli unu per unu è riflette.
Knocku :Vidimu appena ….. Veni quì tù ! Chì ai ?
U nannulu s’arrizza. Knocku l’ausculta.
Fà AAAAAAAAAAAAA!
U nannulu : AAAAAAAAAAAAAAAAAAAAAAAA
Knocku: Bon bon bon ! Li mette u stetoscopu in tupezzu è stà à sente.
L'artere di u cerbellu sò tuppate!
Mma Nevebianca: TUPPATE???
Knocku: Iè cum'è un tuyau di poële! si tuppanu i tuyaux!
Mma Nevebianca: iè iè ....
U servu porghje u panellu à KNOCKU induve ci sò scritti tutte e parolle sapiente, è u duttore ne leghje una ; serà u so diannosticu.

Knocku : à u secondu, Aiò veni tù avà !
U nannulu s’arrizza. Knocku l’ausculta.
Dì qualcosa !
U nannulu : u focu per piacè! U servu li incende a sigaretta.
Knocku : TOSSA !
U nannulu fuma è tussisce
U servu face torna listessu affare cù u panellu di e parolle sapiente.
Knocku: hè tisicu questu quì ! i pulmoni sò una vera usina Marlboro ! hè cum'è a nebbia sapete...allè in Tattone ! d' urgenza! nù i pini!
Mma Nevebianca: Oh!

Knocku : à u terzu, Arrizzati ! tù !
Chì mi conti ? allez apri a bocca fà chò vega!
Knocku : Pochi dentoni !
o madama!.... ne hà troppu! quantu ci n'hè o Antone?
U servu: conta Ci n'hè 50!
U nannulu : aghju a fame!
Knocku : O Antone u stetoscopu ! appoghja l'arechja à u corpu ,quì u corpu hè senza fondu!
Mma Nevebianca: O povera à mè!

KNOCKU è u servu face torna listessu affare cù u panellu di e parolle sapiente.
Knocku riflette, và è si cala à u so scagnu è scrive u repice.

Mma Nevebianca: pienghjendu - O sgiò duttore ùn hè micca grave ? ùn s'anu micca da more ? perchè eiu s’è ùn aghju più nannuli… ùn sò più nunda ….
Knocku :Andate in casa vostra è chjinateli … subbitu subbitu … teniteli in lettu tutta a simana senza ne beie...ne manghjà ...!fidighjate bè s'ellu c'hè u fume in stanza...
Mma Nevebianca: u fume?
Knocku : iè u fume! unu hà i tuyaux tupati è l'altru hà u fume in corpu....s'è u fume li colla in capu sò fritti!

Knocku s’arrizza è guarda à Mma Nevebianca. Mà voi vi sentite bè ??
Mma Nevebianca: Eiu…eiu pare chì ...sò goffa ….
Knocku : AH ! IÈ ! … c’hè u travagliu custì …
Mma Nevebianca: Cumu fà pè esse bella ?
Knocku :falli a so crema o Antone !
Ne metterete mane è sera UNA BELLA CUSCIA .
Unghje a faccia di Mma Nevebianca di crema.
U servu:V’hà da frighje appena ….mà tenitela !
Knocku :Venite quì tutti i ghjovi. ALLÈ à ghjovi !
Mma Nevebianca: Vi ringraziu o sgiò duttore ! Aiò andemu ! allè viaghjate !
Knocku: Madama...madama...vi custerà 20€ multiplicatu per conta à tutti, 1,2,3, 4 dunque 80 € è 50 € per a crema...
Mma Nevebianca: Abbastanza! chì crema hè?
U servu: farina castagnina + sale + acqua ...
Mma Nevebianca: Pulenda! quoi!...
U servu: Pulenda?!!..Madama...madama... vi femu ancu un prezzu!
Saperete o Madama chì si face rara a pulenta oghje!

SCENA 7
Mma Sunnulona ind’è Knocku

Knocku : O Antone fà entre un malatu !
U servu: à quale tocca ?
Mi mi mi si tù ?
U prete vole entre.Innò monsieur! aspettate!!
Si basgianu.
À u duttore O sgiò duttore, curate la bè, ghjè un amica, currate la bè !
Mma Sunnulona : ……Cumu ? cumu ? cumu ? hè digià surtita nant’à Closer ?? Tuttu u mondu sà digià chò sò malata!!?
.....Iè ùn possu dorme ! hè cusì… per mè … ùn c’hè più ne ghjornu ne notte …ne principe ne maritu …ùn ne possu più !
Knocku : hè bella simplice … pigliate caffè nant’à caffè…MÀ…un affare assai assai impurtante ... girate a strapunta.
Rivenite tutti i venneri.
Mma Sunnulona: Tutti i venneri ?? m’hà da custà caru l’affare !!
Knocku : Ci vole ch’elli campinu ancu i duttori ! Allè andate !
Mma Sunnulona: Avvedeci o sgiò duttore !fideghja assai à Antone chì a fideghja ancu ellu.
Knocku : forte Hè!! Micca decaffeinatu u caffè, è a strapunta a girate !!
allez o Antone...quessa mi ne sò sbarazzata in quattru è trè sette....
U servu: ùn hè micca male .....

SCENA 8
A zitella ind’è u duttore

Knocku : O Antone! un antru malatu pè piace !
U servu:À quale tocca ?
A mamma : Tocca à noi !
U servu: Allora entrate …
Knocku : Chì si passa ? qual’hè a malata ? mi parite sbianchittata madama...
A mamma : NÒ NÒ NÒ ùn sò micca eiu ! Ghjè a mo figliola … ùn vole amparà ! infine ...ghjè piuttostu a maestra chì ùn ci ghjunghje..... ùn hè micca listessa!
Knocku : Vidimu appena … Fà I A
A mamma : Allè I A
A mammone : allez o figliulè I A
Knocku : I A
A zitella : HI HAN ! HI HAN !
Knocku : Hi han …??... Hi han ..??! Ghjè una vera sumera !
A mamma : Una sumera …
A mammone :una sumera....!????
Knocku: Ma voi o madama vi sentite bè?
A mamma : Eiu ??? Iè ! heu...và abbastanza bè....
Knocku : ABBASTANZA !!???Venite quì! Li tocca u spinu
s'è appoghju quì...vi sente?
A mamma : Innò!
Knocku: Ma ùn site micca cascata da una scala quandu erate chjuca?
A mamma : Innò....infine...ùn sò più...
A mammone : Iè chì sì cascata o scimò!
Knocku: ah! è pò una scala alta alta!
A mamma :ah! iè! mi ne ricordu!
Knocku: a vostra malatia hè più grave chè quella di a vostra figliola! à ella ,...
U servu :dateli stu sciroppu, cun què saperà tuttu nant’à a storia di i sumeri corsi …da i sumeri preistorichi sin’à quelli d’avà.
Dateli què , saperà tuttu u francese ...mà u sumerinu!
Knocku : Quant'à voi...venite à vedemi tutte e sere dopu a scola. Ma micca u luni hè trapienu !
A mamma : Tutte e sere ?? ùn c’hè male !
Knocku : Vi vulete curà o nò ? Allè avvedeci !
A mammone : hè vera chì issu duttore à mè…mi piace pocu…

SCENA 9
Nenetta è u maritu

Knocku : Antone! un malatu pè piace !scrivendu à u so scagnu.ci n'hè torna assai?
U servu: Nò o sgiò duttore , 4 persone.
Knocku : Quale hè u malatu custì?
U maritu: a mo moglia...à quellu chì vole entre, u punta fora Tocca à mè!!!
Knocku: Chì hà? venite quì o madama! chì si passa? qualcosa ch'ùn và...?
A moglia: Iè!
U maritu: ùn sà dì chè di sì o di nò... in casa ùn face più nunda...sò addisperatu!
Knocku: ùn face più nunda...ùn face più nunda...riflette
A moglia, u maritu: Innò!
Knocku:Fate pianu! u "di sì di nò" hè assai assai cuntagiosu! alluntanatevi!
U maritu s'alluntana, spaventatu.
Knocku: Antone! arregami e scopi!
Eccu! chì sò què?
A moglia: Innò!spaventata
Knocku: Antone! arregami a paletta!
Eccu! chì hè què?
A moglia: Innò!
Knocku: Antone! arregami u stracciu!
Eccu! chì hè què?
A moglia: Innò!
Knocku :aghju capitu! un rejet massif et irréversible di a pulizia di casa... aghju dettu irreversibbile! s'ellu ùn si face nunda!
U maritu: chì possu fà?
Knocku: avvicinatevi appena! L'ausculta . Oh la la ! un capu chì ùn mi pare micca bellu pienu...
U trineca è stà à sente. Oh la la ! una medità di cerbellu... assai viotu ingiru....assai viotu....
U maritu: Cumu una medità di cerbellu? cumu u capu viotu?
Knocku : Saperete o monsieur chì u viotu hè qualcosa! u viotu hè aria! è l'aria hè un gasu! dunque u capu seria pienu ancu s'ellu c'hè u viotu!
U maritu: Hè pienu o viotu??!!
Knocku: s'addipende di voi o monsieur...Empie un buchjeru à medità.Hè cum'è stu buchjeru ...si pò vede mezu pienu o mezu viotu...
U maritu: Per la sacchetta! ùn sò più s'ò collu o s'ò falu....
Knocku : allora a malatia s'hè dichjarata!
Andate in casa vostra, chjinatevi senza manghjà. Pruvate à tene cusì trè ghjorni. Turnate à vene è vi deraghju un trattamentu.
U maritu: È a mo moglia...?...
Knocku: Ella ...ùn hè nunda .... mettitela nù u trenu per Bastia, dateli a carte bleue è s'hà da sente megliu!
U maritu: ùn li date micca trattamentu?
Knocku: Innò ! ma voi …vi vogliu vede da quì à quattru ghjorni!

SCENA 10
U prete

Knocku: Antone!un malatu pè piace !scrivendu à u so scagnu.
U prete: eh bè! tocca puru à mè! sta volta!
Knocku: unu appressu à l'altru !o sgiò curatu......unu appressu à l'altru! Chì si passa?
U prete: ahuh! sò dislaziatu....
Knocku: cumu cumu? chì sentite?
U prete:eh bè ...più nunda... ghjustu à puntu! ùn sentu più nunda....
Knocku: S'appoghju quì sentite qualcosa? è quì ?appughjendu di più in più forte cù u ditu.
U prete:......?
Knocku: È s'appoghju quì allora? sentite qualcosa?
U prete:UUH!mi sente!
ma sapete.... o sgiò duttore ....ùn mi piace più nunda....ùn aghju più laziu di nunda....mancu più di dì messa....
Knocku: Cumu?cumu? chì si passa? ùn site micca cunstipatu? sentu qualcosa quì?
U prete:Nò Nò...hè piuttostu u cuntrariu...
Knocku: a cacarella? oh la la! dipoi quandu?
U prete: dipoi dumenica passata....
Knocku: dopu a messa?
U prete: Iè! aghju dettu Amen! ...è m'hè pigliata a pena in corpu!
Knocku: ùn ponu micca esse l'ostie quantunque!
U prete: O Diu Santu ! innò! u corpu di u nostru Signore Ghjesu Cristu!
Knocku: ma ..ditemi appena.....u vinu....da induve vene?
U prete: da Bordeaux!
Knocku: da Bordeaux!!? oh la la! Bordeaux !..Dumandate vinu di Patrimoniu! u Bordeaux ùn vi và micca!
U prete:Quantu vi devu o sgiò Duttore?
Knocku: a crestula!
U prete:Tenì!
Knocku: Chè què!??
U prete:ùn c'hè più tantu mondu chì vene à a messe... sapete ......e più grosse crestule e facciu per l'interri....
Knocku: Oh allora ci pudemu arrangià!
si ripiglia infine i vostri affari ùn ferianu micca i mei!
Intantu chjinatevi senza ne manghjà ne beie !
U prete:sin'à quandu?
Knocku: sin'à u prossimu interru... venite à vedemi ghjustu dopu !
U prete: cù a crestula?
Knocku: bene intesu! cù a crestula! allez andate andate!

SCENA 11
François et François

I dui Francois parlanu sempre à tempu.
Knocku: Antone, un malatu pè piace !scrivendu à u so scagnu.
Allora chì si passa?
François è François :Nunda!
Knocku:Cumu vi chjamate?
FF:à tempuFrançois!
Knocku:Voi?
FF:François
Knocku:È voi?
FF:François!
Knocku:Chì si passa? O François?
FF:Qualessu?
Knocku:Voi!
FF:Quale ? eiu?
Knocku: oh la la …Dipoi quandu vi cunniscite?
FF: dipoi sempre!simu fratelli
Knocku: allora quale hè chì hè malatu?
FF:eiu!
Knocku:quale eiu?
FF: noi!
Knocku: O la la! quì O Antone u cerbellu hè à dui torli! Ghjè un casu assai interessante! unicu nù a mo carriera di duttore!
allora state à sente...quandu unu parla l'altru deve stà zittu, quandu unu fala l'altru deve cullà, quandu unu s'arrizza l'altru si deve chjinà, quandu unu manghja l'altru deve beie, quandu unu canta l'altru deve pienghje, quandu unu entre l'altru deve sorte,
FF: Iè
Knocku:INNÒ!
FF: Innò!
Knocku:NÒ IÈ!
FF: IÈ!
Knocku:MICCA INSEME!
FF: INNÒ!
Knocku:Antone! Passami u stetoscopu !
Li trineca u capu.Senti quì o Antone!
U servu: si sente u mare avà!Avvicina so arechja à u capu di unu.
Knocku:Senti quì o Antone !
U servu: U campanile di San Ghjuvà ! Avvicina a so arechja à u capu di l'altru.
Knocku: Bon andate! ma cumu femu? Ah cusì ! unu avanza è l'altru rincula Riflettite appena quantunque! Eiu cerbellu ùn ne possu micca aghjustà!

SCENA 12
Knocku casca inamuratu

Knocku: Antone, un malatu pè piace !scrivendu à u so scagnu.
U servu: Fisca, chì a donna hè bella.
Knocku hè sottu à l'incantu di a donna, cum'è ipnotizatu, casca inamuratu.
C'EST COMME CA QUE JE T'AIME (Mike Brant) sin'à : "un poignard dans le coeur"6
Knocku: OOOH!...Entratrate o Madama!
A donna: Madamicella per piacè...
Knocku:Scusate o Madamicella...Iè sisisite mamalalata ?
A donna: Iè mi sente quì… è pò quì …è pò ancu quì…
Knocku: Antone! u u u stestetosssscopcopu ! O antone...
Ausculta a malata ma si sente male, casca nant’à a seria, Antone li face l’aria. Ma chì m’accade ??? Chì aghju ???
Madamicella vi sente s'appoghju quì?
A donna: Oh! ... iè!
Knocku:è quì...?
A donna: Chì c’hè ùn và micca o sgiò duttore ??? l’asciuva u fronte, li face l’aria anch’ella.
Knocku:un buchjeru o Antò!
U servu: Tenì o sgiò duttore!

A tendina si chjode è si vestenu à sposi, tutti l'altri sò daretu in prucessione.

EPILOGU

I nannuli sò daretu à quellu chì parla è ripetenu.

Hà Hà … hè cascatu malatu anch’ellu.
S’hà chjappu una malatia chì… CHÌ …tuttu u mondu pò chjappà…
Una malatia ch’ùn si cura micca cusì … ùn ci vale ne creme … ne sciroppu… ne caffè…
A malatia di l’AMORE …
È avà a si tene ...

AUSTIN POWER (TEMA DI U FILMU) 7

I sposi è tutti i persunagi 2 à 2 daretu, facenu una prucessione ballendu.