Medina di notte
Attività altre
Si sposta u mondu
Nantu à un’aria di Medina
L’aria scioglie muschi
In a stonda di cedru
Di frutti in a so polpa
Si ne imbotra a luna
È cantanu i banchi
Ingordi di u so lume
L’oriente sottu à a volta
Conta una fola vechja
A mente girivolta
À l’oriente chì batte
L’oriente sottu à a volta
Conta una fola vechja
A ghjente gira è volta…
Litanie cappiate
Da e voce zitellesche
S’azzincanu à u celu
Pè fà lu falà quì
Indulenti beduini
In le so catapeghje
S’ anu lacatu u sognu
In un mare di rena
Pienghje lacrime d’oru
U sciloccu à e dune
Mentre ella mughja a notte
Varghjinati culori
È u lume ciambotta
U sciloccu à e dune
Mentr’ella s’apre a notte ...
L’oriente sottu à a volta
Conta una fola vechja
A mente girivolta
À l’oriente chì batte
L’oriente sottu à a volta
Conta una fola vechja
A ghjente gira è volta…