Oghje mercuri 15, Giulio Angioni hè statu un “Scrittore a Piede Liberos” in Alghero, accoltu in a Libreria Cyrano da presentà u so libru novu "Sulla Faccia della Terra".
Coeditatu da Feltrinelli/Il Maestrale, stu rumanzu d’Angioni si busca un bellu successu ed hè statu sceltu da l’ascultatori di Fahrenheit (RADIO 3) cume libru di u mese.
À presentà u libru è l’autore sò in Alghero Antonio Budruni e Antoni Arca

U LIBRU: Una notte di lugliu di u 1258, Mannai Murenu, servu di un vignaghjolu, si ritrova tombu è interratu ind’è l’assaltu di a cità di Santa Gia da parte di i Pisani. Settanta anni dopu conta cum’ellu si salva è cun l’altri trova l’aggrottu nant’à a piccula isula di u Stagnu di Cagliari, chì ricevia prima i leparosi è chì hè stata lacata viota dopu chì i malati fussinu stati cappiati ad avvelinà a cità assediata. Inizia cusì a narrazione di l’aventure di un gruppu di rifugiati in Sardegna: in più di Mannai, dui portasedia, Paulinu servu di un convento, Vera damicella nobile, Akì schjava persiana, u vechju ebreiuo Baruch, trè suldati alemani, Tidoreddu piscatore di U Stagnu, u cane Dolceacqua, è po l’artisgianu bizantinu Teraponto è altri: in tuttu più di centu persone. In i castighi di a guerra facenu cumu s’elli eranu malati da a lepara è cusì u terrore di a cuntagione i prutege. Inventanu una vita fatta d’espedienti, trà u Stagnu è a voglia di vive ci liberi, in una grande aventura cullettiva.