Ind’è l’ultima messa à ghjornu, vi parlavamu di TESTA DI RAME, teatru in dialettu Livurnese. Un testu editatu dinù in una versione pè i zitelli di e scole da l'Edizione Titivillus è da l'Associu di u CCU in edizione trislingua (livurnese, talianu, corsu). Ci hè da filicà è fà ricerche di ducumenti (articuli di stampa, ritratti, filmi?) chì ammentanu i scafandriè in Bastia in u Dopuguerra.

Eccu un arrigistramentu di a rapresentazione di u TESTA DI RAME in livurnese fatta in Corti mesi fà. Ghjuvan Petru GIUDICELLI, prugramatore teatrale discorre d’issa rializazione cù u dramaturgu Gabriele BENUCCI, è Andrea GAMBUZZI, dramaturgu è attore.