À sente dì a tradizione è a memoria culettiva u mazzeru saria u « mal battezu », quellu ch’ùn hè à fattu cristianu, postu ch’ellu hè statu battizatu micca secondu e regule. Di fatti tuttu pare ch’ellu accadi u ghjornu di u battezimu, quandu chì u cumpare è a cummare portanu a criatura sopra i fonti battezimali. Tandu quessi anu una parte impurtante da purtà. In issa stonda custì, sò elli à rapresentà a criatura entrendu in u cristianisimu è, parlendu pè u ciucciu, indieghjanu u so destinu. Basterà un sbagliu recitendu u “Credo” è u ciucciu diventerà mazzeru.

Da issi principii venenu quantunque variazione...

Per indettu, in u so libru Le mazzérisme et le folklore magique de la Corse  Roccu Multedo  u presenta di più da iniziatu à pena cum’è u chaman. Sceltu prima di nasce, sarà sempre iniziatu cun sogni da l’antichi chì l’amparanu à tecniche tremende da favurisce i so viaghji onirichi è ammaestrà i so puderi.