Strada

Ciütês cröes y ëres certes, füs destödês y amisc nia reconescionç
Taia lungia da stüfé d'en gröm de dis passês
Ciütês, ëres d'en iade y amisc desmonçês

Desco embrunçiada y sopelida por dagnora te me
la jona da enníer
co á fat patí y s'an è jüda
t'en sëmo la vëighi tres endô
Ciütês, l'öna dal malan, plëna de stories y de çiançes, l'atra co scraiâ de sorëdl y de pasciun, chëres è aldedancö cënder stornü fòra por strades zonza ennom.

Tles çiütês ströfades çina ala mort
scoa l'ont les strades
desco l'ont co á assié sö
les strades de Ierusalem
strades de crusc y de pasciun.

La striona Circe y Calypso, tacades da sü porç desvalis
y la picia Nausicaa co to orea bun
le rè malcontont s'al recorda
taché pal gran lën dla barca por scuté le çianté dles sirenes.

La vita, la mort, la liberté
les vëies dla porsona y le paiamont de sü sforc
con l'amich tan amé
i nen baiarun çiamó en iade
canch'i s'odarun te cortina.

Âres, compagnes y ciütês, taia lungia de dis
en taché zonza valur y speranza da gní endô
atlò mia strada atlò mio sté