Tando sos omines

Tando sos omines si ligaiant a sa terra issoro
E sos passos issoro sustènnidos marcaiant lacanas
Sas manos attrividas alenaiant sonnios in sa pedra
E ojos ammacchiados ornaiant s'aera
Bisada 'e Santu Martine !
Tando rimbombaiant boghes
Istrappazzoa de 'entu, suspiros d'amargura
e cantos lamentosos !
Anninnía-anninnàre anninnàre-anninnía ciulare 'e puzones
Paghjelle !
Versos sacros
Gloria a su Supranu!
Dignas esequias a s'umana ispoglia
CANTU!
Cantu pienu patriotticu
isplendore animosu, respiru 'e universu

O Babbu Mannu, o Giuanne Battista , o tiu Pilà
O Maria, o Franziscu, o Giuanne Santu!
Chie est chi bos ponet in laras s'alenu 'e custa terra ?
Ite che faghides bois de s'eternu reposu
e bois ateros totu sos mortos de custu tempus nostru
ite faghidea bois a custa nostra regolta in fiore ?

Mudos istades, chenza narrer peraulas !
Cantade ! Cantade !