15 di ghjugnu di u 1939 10:26  - 15 di ghjugnu di u 2024 10:26 : in ‘ssu ghjornu di ricordu, onoremu u curagiu è u sacrifiziu di quelli chì eranu à bordu di u sottumarinu Phénix, in Induscina. Trà d’elli, un omu di 33 anni, u nostru caccaru maternu, chì hà lasciatu una famiglia addulurita. A so memoria hà campatu per via di a so veduva Maria Catalina, a nostra caccara, i so figlioli Francescu, u mo cumpare è Ghjuvana, a nostra mamma,  è noi oghje, e generazione future ch’ ùn averà mai cunnisciutu.

Al di là di l'onde è di a prufundezza,

Riposa un eroe di u mare, un babbu è un maritu.

In a baia di Cam Ranh, hà trovu l’ultimu sonnu,

Fermarà per sempre in i so cori, ma  luntanu di a so famiglia.

U sottumarinu Phénix, testimone silenziosu,

Mantene a storia d’un omu trà parechj’altri,

Chì hà servutu cun onore, cù forza è curagiu,

È chì u so spiritu ci guarda da u celu.

À a so veduva, forte è resistente,

À i so figlioli, Francescu è Ghjuvana, luce di a so vita,

Offrimu i nostri pinsamenti più teneri,

Chì a so memoria brillessi cun elli trà e stelle è à l'infinitu.

Chì l'onde annannessinu dolcemente a so anima,

È chì a so storia inspiressi rispettu è ammirazione.

Perchè chì ancu s'è l'anni passanu, u so patrimoniu ferma,

In u core di a so famiglia, a so casa eterna.

Chì ‘ssa puesia sia un modestu omagiu à tutti quelli chì anu spartutu, quellu ghjurnacciu, u destinu di u nostru caccaru. A bravura di tutti ‘ss’omi ùn sarà mai scurdata.

In memoria di caccaru, Ghjan’Battì Baldi mortu per a difesa di a libertà.