In u quatru di l'attelli literarii si hè fattu parechje stonde ingiru à i libri di Sebastianu DALZETO è di Natale ROCHICCIOLI, dui rapresentanti impurtanti di a prosa literaria in lingua corsa in un periudu chì a spressione literaria scritta in prosa ùn era tantu nè faciule nè aiutata. A manera di rapresentà si isse duie opere rumanzesche in una epica difficiule si hè pensatu ch'ellu era utile di rimette la in dibattitu è si sò fatte unepoche ipotesi di rilettura critica chì permettenu forse di spanticà significati più prufondi chè a risa è po basta...

Duie parolle di Aurélia in quantu à u Capitulu IX « A Fregate »

    Indè ‘ssu capitulu si parla primu di Marcange. Marcange si dicia un santu, parlava spessu cù « Jeanne d’Arc » chi s’affaccava à vede lu in casa soia. Era scarparu cumè San Crispinu, chì Jeanne d’Arc chì u tinia à u currente di tutti i ricapitules di u paradisu, li avia dettu un ghjornu chì San Crispinu ùn pudia dà capu à tutti. Maò Marcange era cascatu malatu è si n’era mortu solu solu in a so vechja casa meza sfundata. Tutti i so amichi di u paese eranu ghjunti da fà li a veghja : Scamaroni, Panettu, Capiulellu, u Prussianu… sò tutti quì.
    Dopu à a veghja, Scamaroni flla versu u fiume chì issu ghjornu custÌ devia ghjunghje a « Fregate » di u so amicu Monsieur Soulié.
Era una ghjurnata cum’è l’altre in paese, u prete si vangava un pezzu d’ortu, Panettu era sempre appiccatu à a so spazzura è Monsieur Soulié avia pigliatu postu in lu carru pustale. U prete avia dicisu di principià l’accolta pè u campanile. Tandu mandò à Felicia à fà u giru di u paese, casa per casa, è di un colpu Felicia si trove davanti à a porta di Ghjasè, u scarparu. Ma quandu Ghjasè vede à Felicia si lampa una martillata annantu à u ditu, intrampuleghje ind’una carrega è casca di capu ind’una conca. Ghjunghjenu allora Tremolò è Ziu Sté, facenu sorte à Felicia d’indè Ghjasè. Ziu Sté ùn capisce micca ciò ch’ellu accade à Ghjasè.Tremolò li spiega chì Ghjasè hè svaculitu pà Felicia.
Ritruvemu à Scamaroni chi hè sempre accantu à u fiume pè aspettà a "Fregate". Aspetta, aspetta ma nimu ghjunghje. Si ramenta allora ciò chì u giendarme li avia dettu qualchì ghjorni prima.« Una fregate hè un mudellu di a Casa Renault »
Capisce allora chì u so amicu Monsieur Soulié ùn hà da micca riceve un battellu ma una vittura.
Si ne ricolla allora pianu pianu in paese, dicendu si chì infine i gendarmi ùn sò ghjente cusì gattiva...

Una presentazione simule, al di là di u comicu è di a risa, ci face vede un mumentu, in a storia di una sucetà, chì e cose cambianu tantu chì a ghjente ùn sanu più duve sbatte di capu!