Versione :

Ducumentu
Zonza una cumuna maiò

ZONZA

ZONZA

Zonza hè una cumuna ricca assai. Si stende da Bavella sinu à u mare. Ghjè a terza cumuna di Corsica. 1836 parsone ci stanu ma ùn ci n’hè cà 250 in lu paese stessu. Ci hè un iscartu maiò trà a parte muntagnola è a piaghja chì hè bella di più dinamica.

Parechje parsone di nomina sò passati in Zonza. Prima, u rè di i Corsi, Tiadore di Neuhoff in u 1736, ci hè statu dinò Napulione III cù l’imperatrice Eugénie. U terzu incurunatu à esse ci statu hè u sultanu di u Maroccu, Mohamet V.

In paese si ramenta Marius Giudicelli : « Avia purtatu vinti dui di e so moglie ». Robert Zamponi conta chì « un quartu suvranu, u Tsar Petru u 1a, avaria pussutu affaccà si chì à l’epica di u Dirittoriu, un signoru purtivichjacciu volse dà u Fiumorbu è Sartè à a Russia. Di pettu à issa utupia i Francesi brusgionu u paese sanu, hè par quessa chì vechje case ùn ci n’hè in paese. Zonza hè nata in lu 1641 cù e famiglie Giovanoni, Muzi, Giudicelli, Zamponi, Diani è Agostini. Ma l’urigine stessa di a parolla Zonza ùn la cunnosce, solu chì ci hè un fiume chjamatu Zonza in Pologna… »