Pè andà subitu à cunsultà i ducumenti, cliccate nantu à e parolle scritte in rossu

Salute,

Sta volta,

IMPARÀ U CORSU... cù INTERROMANIA!
Hè in ligna u metudu di amparera di a lingua corsa in accessu liberu è di gratisi. Pruvate lu è s’è vo videte un puntu o l’altru da pudè arricchisce, migliurà, allargà issu strumentu, fate ci la sapè.
Intantu fate vi una fidighjata nantu à una l’altra d’isse 20 sequenze di amparera...

Julian MATTEI, giovanu è capace giurnalistu cursopfunu, hè dinù primurosu di scrittura, puetica è altra. Vi camperete cun duie rime di soiu.

Gianni REPETTO ci offre una bella riflessione in quantu à l’identità è Guidu BENIGNI a ci porghje dinù in corsu. Un bellu puntellu da migliurà a nostra cunniscenza di e lingue rumaniche.

L’amicu ROMANI ci informa ch’ella hè esciuta un’edizione accrisciuta di a so Grammaire corse, cumplettata da una parte dedicata à a puesia.