L'ape è i bufoni sò dui insetti polinizatori impurtantissimi per parechje piante in fiore, ma anu sfarente manere di campà.

A vita di l'ape principia quandu a regina face l'ove in a  so bugna. Dopu à l'incubazione, e larve sò alimentate cù u mele è l’amacu fin’à ch'elle si trasfurmessinu in ape operaie. L' ape operaie travaglianu inseme per coglie u nettaru è l’amacu da i fiori, ch’elle portanu dopu in a bugna.Tandu si servenu di a so saliva per trasfurmà u nettaru in mele è ammanuglieghjanu l’amacu per alimentà e larve.L' ape operaie sò rispunsevule di custruisce è mantene a bugna, è ancu di prutege a regina è e larve. L'ape operaie campanu solu qualchì settimana prima di more,travagliendu tutta a so vita.

I bufoni anu un ciculu di vita simule à l'ape, ma sò generalamente più grandi è piluti.E culunie di bufoni sò più chjuche di quelle di l’ape,cù à pocu pressu 50 à 400 individui. I bufoni ùn anu micca una bugna permanente cum'è l'ape,ma custruiscenu nidi tempurani in cavità o sottu terra.I bufoni operaii racoglienu ancu u nettaru è l’amacu per alimentà a culunia, ma à u cuntrariu di l'ape, i bufoni sò capaci di vulà per tempu frescu è nuvulosu,ciò chì li permette di polinizà e piante mentre chì l'ape sò inattive.

L'ape è i bufoni sò insetti suciali chì travaglianu inseme per assicurà a sopravivenza di a so culunia. Ancu s'elli anu diverse manere di campà, sò tramindui polinizatori impurtanti per e piante è ghjocanu un rolu vitale in u nostru ecosistemu.

L'ape anu un rolu cruciale in a polinizazione di parechje culture alimentarie, frutti, legumi è piante fiurite,chì furniscenu quasi u terzu di a nostra alimentazione.Senza l'ape,a produzzione alimentaria glubale seria severamente affettata.

S’è l'ape spariscenu, ci saria una diminuzione dramatica di a pruduzzione alimentaria, chì induceria una penuria di l'alimentariu, l'aumentu di i prezzi, è putenzialmente insicurezza alimentaria in certe parte di u mondu.

In più di què, a polinizazione hè ancu essenziale per mantene a biodiversità in l'ecosistemu.E piante chì ùn sò micca polinizate ùn si ponu micca ripruduce è u so numeru amminurisceria infuria. È què averebbe un impattu negativu nantu à tutta a catena alimentaria, affettendu ancu l'animali chì si nutriscenu d’isse piante.

Infine, l'apa hè un elementu impurtante di a fauna salvatica,è a so scumparsa puderia ancu avè cunsiquenze per tuttu l'ecosistemu,cumpresa a sopravvivenza di l'altre spezie animale.

Pè compie, l’ape sò famose per u so rolu à furnisce alimenti  di qualità  maiò :u mele, a gelatina reale, l’amacu è ancu altri prudutti cum'è a cera d'ape, a cerastucca è u velenu d'ape.A scumparsa di l'ape averia ripercussione cunsiderevule nant'à a nostra alimentazione, a biodiversità è tuttu l'ecosistemu. Hè per quessa chì hè impurtante di prutege l'ape è di travaglià per a so cunservazione, per a so salvezza.