Spassighjata da insù...

Ma chì sò i mo lochi?

Ma chì sò i mo lochi?

Duve sarà u limite?

In fondu à u portu

o in isse citadelle?

duve si azzinga a storia

ghjustu sopr’à u Tirreniu,

quassù in issi tufoni

o in e sarre longhe riccamate à neve

duve sboccanu lavi

savii da u silenziu

chì sfida i marosuli

passa sott’à i Monti

trinca à Meziornu

si avvinghje à u Sambucu

è si ne torna in Piaghja

à imbarcà ricordi

di torre genuvese

ma volta à U Spidali

è ripiglia u mare

corre in Senetosa

ma l’alba......

l’alba sputa insù

à lustrà Capicorsu

u stagnu di Diana

è cun rè Vincentellu

vultemu à U spidali.