Versione :
Corsu

TEATRU, PUESIA è TRADUZZIONE Simana di A Lingua 2014

TAVULA RITONDA 1

Dopu riparlatu di a seanza di creatività teatrale di a matinata, un barattu interessante hà accoltu unepochi participanti ingiru à e quistione generale di a creazione literaria di pettu à e capacità bislingue di u scrittore. Da illustrà issa riflessione, si hè vulsutu esse cuncreti illustrendu a ragiunata cun l'opere è e riflessione di trè pueti chì ammentanu e so influenze, i so cuntatti, e so scelte è i so prugetti di spressione persunale tenendu contu d'issa quistione. I so parè sò stati arrigistrati è filmati è per Ghjacumu Fusina, pruiettati u ghjornu di issu scontru in Corti. Hè statu un bellissimu mumentu riccu à riflessione, accenni è discussione. A forma linguistica è a gramatica ùn eranu micca ammintate da ogetti di studiu ma da materia chì u pueta và à circà ci a forma duv'ellu impasta u so prugettu creativu. Eccu qualchì passu di a discussione.