Corti, 06 di marzu.2020

Cari lettori di Bonanova,

 

Eccu à BONANOVA n°41.

Ci dicerete voi stessu(a) sinu à quandu và u vostru arrogu. Vi dumandemu scusa chì, in u nostru cunvugliu avemu persu i ducumenti duv’elli eranu scritte e date sinu à quandu era pacatu u vostru arroghi (in basa à 6€ à l’annu).

 

In quantu à l’urientazione di a rivista è a so forma, l’anni scorsi ci anu purtatu à dumandà ci s’ellu si devia piantà sta publicazione vistu chì a sparghjera di u corsu scrittu ùn era più cusì scarsa, è po nascianu altre capacità, sopra à tuttu cù i linguaghji novi. È po avemu messu in discussione di mutà a rivista in una rubrica infurmatica di u nostru situ www.interromania.com. È po una cosa è l’altra, ne simu ghjunti à fà stu BONANOVA n°41: A rivista cuntinua cun dui cambiamenti è po una crescita di robba scritta. Cusì averemu spaziu di più pè accoglie scritture nove è scritti più ampii. Da u numeru 40 chì t’avia una settantina di pagine passemu per questu quì à più di un centu: dunque, tocca dinù à voi s’è vo ci vulete mandà robba ch’è vo scrivite voi, spicciate vi!

E rubriche fermanu listesse cù, in quella “Creazione” un postu più ampiu à e creazione di l’attelli di u CCU è di a ghjente più giovana.

A redazzione accoglie 4 giovani chì studieghjanu a literatura corsa, facenu publicazione è articuli critichi nantu à e pruduzzione è i currenti literarii di eri è oghje in corsu. Essendu in l’università da u principiu una bella parte di a creazione esce da issa prisenza di i gjovani in l’attelli di scrittura, cun teatru, canti, baratti è stonde dedicate à tematiche è sugetti di a literatura corsa,…

Avete capitu ch’elli ci sò i cambiamenti furmali è pratichi ma l’andatura è a finalità sò quelle di sempre accresce è arricchì a nostra spressione culturale.

Ringraziemu à tutti è vi dimu à a prossima (u numeru 41 di quistannu 2019)

 

Cun tanti saluti è prichendu à tutti bona lettura

 

                                                                                                                G.Thiers

                                         Direttore publicazione

 

Associu di Sustegnu CCU

CCU-Università Pasquale Paoli

20250.CORTI

 

 

 

 

 

___________________________________________________________________________

 

Rimandate ci stu biglittinu cù un sceccu intestatu à Associu CCU (1 numeru à l’annu costa 6€)

 

Arrugamentu da u numeru doppiu 41  sin’à u numeru .....……= 6 € X …= ... €

CASATA :........................................................………………....................................... Nome :..........................................................................................................................

Telefunu:.......................................................................................................................

Adirizzu :.......................................................................................................................

Mail:..............................................................................................................................