U 16 d’agostu scorsu l’ADECEC hà urganizatu una ghjurnata -di memoria è di avvene!- in quantu à a mossa detta di “U RIACQUISTU” chì hà marcatu u slanciu novu di a vita corsa, in un cuntestu isulanu glubale chì accuglia è dava spressione à unepoche quistione di regula intese è percepite spiccate una da l’altra: pulitica, rivendicazione suciale, agricultura, lingua, literatura, cantu, scola, stampa, cultura, è tira avanti è tocca. Si infatta chì à issa epica –è puru da tandu sinu ad oghje- tutti issi aspetti di a vita sò pensati in a so relazione. L’intervenenti invitati u 16 anu dettu u so parè. Senza ramaricu nè nustalgia è incalchendu a vitalità di un muvimentu chì s’adatta à a vita è e cundizione storiche nove.

À chì vole pò cunsultà nantu à u situ di l’ADECEC parechji studii è publicazione:

http://adecec.net/parutions/pdf/a-litteratura-corsa-scritta.pdf

è in particulare :

A LITTERATURA CORSA SCRITTA, ATTI DI A GHJURNATA DI A LINGUA CORSA IN CERVIONI U 7 AOSTU 1986. ADECEC CERVIONI 1987.