Pè issa ultima stonda di A FESTA DI A LINGUA 2016, Stefana PADOVANI, Cunsigliera pedagogica presenta in modu è praticu è ragiunatu un travagliu pedagogicu purtatu à parte si da a fola è a literatura zitellesca. L’invitu à a riflessione s’arremba dinù à una sperienza cunreta assai di dialogu trà imaginarii literarii (quelli di i creatori è di i traduttori) è u ribombu chì e scelte linguistiche operate ponu truvà in e culture cusì messe in interrazzione.
Cusì, a ristituzione di una fola tradiziunale o di un racontu inventatu mette in ballu un inseme di prucedimenti didattichi è pedagogichi ch’ellu si pò sequità è analizà in i ducumenti sculari pruposti in appicciu di sta sequenza filmata.
Affacca in a discussione a mansa di ducumenti aduprati da i maestri è prudutti da a creatività pratica di l’insignanti in e so scole. È tandu ùn stà tantu à vene in u discorsu a sorte d’issa pruduzzione diviziosa è quella di a so visibilità. Ducumenti custretti à firmà si in iscola o chì puderianu avè qualchì sboccu literariu ancu in edizione, libreria è circulazione di mediateca? U parè è e spiecazione di l’edizione ALBIANA schjariscenu issu spaziu di a literatura zitellesca.