<A BASTELLA DI DOLCELLINA>

Nata in u 1993, BALDI Letizia hè insegnante in CP/CE1 è hè direttrice di a scola bislingua è immersiva di u Viscuvatu. Attempu, hè formatrice à l’INSPE di CORSICA.

Passiunata da l’insegnamentu, da a trasmissione è da a lingua è cultura corsa, Letizia hà avutu una licenza di Studii Corsi è un Master MEEF specialità bislinguu à l’Università di Corsica.
Ottene u CRPE in u 2015 è u CAFIPEMF in u 2023.

Aldilà di l’insignamentu, Letizia s’hè impegnata in sfarenti prugetti in giru à a lingua è a cultura corsa. 
In u 2012, hè stata premiata per a so nuvella pulizzera à u cuncorsu « Aghjus » in Sardegna.
In cullaburazione cù Monsieur Thiers, hà participatu à « Imparà u corsu » (situ Interromania), « E passighjate pedagogiche è literarie ».

Sempre in una dimarchja di trasmissione, Letizia scrive filastrocche, fole per i so sculari, face traduzzione, adattazione ch’ella sfrutta in a so scola. 

In qualità di direttrice, insegnante è formatrice, Letizia prova di creà un ambiu chì favurisce u spanamentu di i so sculari è studienti à pro di a lingua corsa.