Un associu di Bastia

Cū assai maestria

Hè diventatu campione

Di a lingua di babbone

Bravi quelli chì anu à core

D'ùn lascià a lingua more

 

L'attelli corsi creati

Avà sò multiplicati

È la nostra Cursichella

S'hè discitata ribella

Ch'ella campi l'istruzzione

Contr'à l'acculturazione

 

Praticalingua chjamatu

Oramai rinumatu

In st'associu l'aderenti

Godenu di li talenti

Di tercani locutori

I preziosi furmatori

 

Alex u so fondadore

Oghje ci face l'onore

D'esse u nostru invitatu

Eccu un bellu alleatu

Inseme la nostra ghjente

Chì spartera cumuvente !

 

Omu appronta cun passione

Una participazione

À chì canta à chì recita

O cari chì bella vita !

Ogni scontru hè sferente

Què pà tutti hè attraente

 

I Corsi benevolenti

Sianu sempre attenti

D'impedì a perdizione

Di l'antiche tradizione

Forti s'elli sò uniti

Per ūn turnà sculuriti.

CathyCampana 6/5/23