S'è vo vulete andà subitu nantu à e varie rubriche, cliccate sottu, nantu à e rubriche in italiche rosse

Face u fretu è omu si incatarrisce. Sò andatu à cumprà duie medicine. U farmacistu –scusate ! u speziale- li ne mancava una. Mi hà datu un bonu per vene à piglià la dumane ! Figurate vi chì in fondu sottu à u tutale aghju lettu :

« Scusate ci pè stu picculu fastidiu.
À ringrazià vi pè a vostra cunfidenza ! »
Innò, ùn ci stupimu : si avvicina a coofficialità.

« Per 2013, ùn duverebbemu esse sottuposti à u « non rimborsu » di e spese pè cure è medicine cum’è ist’ultimi anni. A nostra primura cuncerna dipiù a crescita di e ricette è a diminuzione tariffaria cum’è in radiolugia è biolugia, i trasporti sanitarii megliu urganizati, a caccia contru a froda… »

è tira avanti cusì u caparticulu di u bullittinu MGEN di a Corsica… pè annunzià una cunferenza u 20 di marzu in Bastia.
Ci sentimu digià megliu : si avvicina a coofficialità.

Sta volta, si tratterà di cunferenze di Ghjuvan Martinu MONDOLONI è di Bastianu QUENOT (coofficialità) di Vanessa ALBERTI (stamperia è edizione)

Si truveranu ind'è     Scontri>Cunferenze 1 
                            Scontri>Cunferenze 2
                           Scontri>Cunferenze 3

Ghjermana DE ZERBI, in quantu à ella, ci porta à vede un filmettu (I Fucarè è a Cuminiò tanti anni fà) (Literatura > Cumenti è parè)

è un currispundente di Madrid ci invita à celebrà a Ghjurnata di a Donna quallà. (Scontri > Baratti)