Salute,

In a nostra « attualità » vi avemu sceltu duie infurmazione, sia riferenze da buscà vi, sia ducumenti da cunsultà :

DA BALEARE: L’accennu à un’opera impurtantissima pè e lingue rumaniche ch’ellu ci insegna da Palma u nostru currispundente Jaume Corbera. (scontri > baratti)

DA SARDEGNA: Una figura storica cuntrastata : Cristofanu Culombu, rivendicatu da i nostri amichi è vicini di Sardegna. Ma chì facenu pè issu Calvi ?! (scontri > baratti)

PUBLICAZIONE: L’ultime publicazione di ALBIANA-CCU : dui rumanzi, duie racolte puetiche, esciute in e cullezzione Calamaii è Veranu di i Pueti. À chì hè comudi si affacchi in Corti, Spaziu Natale Luciani, u luni 18 di ferraghju da 12 à 14 ore. Saranu presentati issi libri à tempu à l’altri di l’UMR LISA. (Associu > publicazione)

TEATRU: Una cunferenza ch’ellu ci hà offertu Michel TANNER, omu di teatru, in quantu à u teatru grecu, e so rapresentazione è u so significatu attuale. L’aviamu invitatu per Turchinu Maiò. 
(scontri > cunferenze è literatura > teatru)

LITERATURA: Una cunferenza di Ghjuvan Guidu TALAMONI, nantu à un aspettu di a so tesa di dutturatu presentata pocu fà à l’Università di Corsica è riesciuta cun felicitazione di a ghjuria. U tema ? A literatura corsa letta in quantu ella palesa una struttura culturale è pulitica forte : L’imaginariu naziunale (Scontri > cunferenze è literatura > cumenti è parè)