Versione :
Corsu

Un parè in quantu à dui libri : Julian MATTEI

Un travagliu cuntinuu di lettura, scrittura è baratti

    Longu à l'annu, trà Associu di u CCU, Associu IITM è Studianti in Studii Corsi, avemu fattu un travagliu cuntinuu. I mezi tecnichi di u Spaziu Natale Luciani ci anu permessu ognitantu di filmà duie stonde di ragunata è di barattu. L'eserciziu vale in parechje manere. Ci hè di sicuru u scambiu di idee è di parè in quantu à i temi culturali accustati, l'analisi critiche è u cuntrastu in giru à una lettura o un filmu, è po ci hè issa pussibilità di rivede inseme e sequenze filmate è di fighjà a parolla, i gesti, l'attitudine, ciò chì và è l'altru restu chì si pò accuncià.

    Cun Julian MATTEI emu scumbattutu à pressu à dui libri di Sebastianu DALZETO. Eccu una sintesi di a ragiunata di G.Thiers è d'issu animatore, capace è dinamicu di l'Associu "Scrive in corsu" presidutu da Anghjulu Santu PIETRERA è chì urganizeghja e Ghjurnate literarie tutti l'anni in Santu Petru di Tenda).