A  SCALAQUALITÀ

Ma quale era u scrittore chì dicia: “S’è l’artistu ùn rispetta a qualità di a so scala di lingua, ch’ellu andessi à... zappà! ”Zappà” ùn hè mancu vergogna è quellu chì a face a sà. In quantu à l’adopru corsu più largu in e forme literarie, era ora è ci vole à cuntinuà. Isse virtualità s’elle spuntanu è si sparghjenu ci vole à rinfurzà le è ghjuvassi ne sempre di più. Issa scala di qualità ùn s’azzinga à una muraglia ma stuppa l’orizonte. Oghje unepochi sceglienu issa strada ch’è no chjamaremu quì “Scalaqualità”.

Per sta “messa à ghjornu di marzu 2025”, insigneremu e prose è puesie di Marielle CLEMENTI, Marie FERRANTI è Alain DI MEGLIO. À parè nostru ci si trova piacè, cultura lucale, puntuale è generale.