SPASSIGHJATA À L’ANCINU

(Leghje è stà à sente: fighjate i ritratti è lighjite i scritti sentendu i soni)

Ùn ci hè da dumandà si s’ella ci hà da fà prò issa spassighjata… Hè vera chì mancu quì ùn si hà da truvà troppu... pianure, ma piacè ùn ne mancarà. Basta à ùn scurdà si di u materiale di regula è di apre ochji è... prugramà si una mente attente à i varii splendori ch’è no scupreremu strada facendu

CÙ ALANU CORTI, BIGUGLIA,ALTALEGHJE 

Nant’à a situazione di u corsu, l’amicu Alanu DI MEGLIO ci hà fattu un spostu di qualità in Corti è in Biguglia (vede a videò) . A so pusizione di sociolinguistu (si leghjinu dui ducumenti di soiu in appicciu) ùn lu scarta da i so lochi pumontinchi . È ùn si scorda di preside dinù u cuncorsu di nuvelle di l’Associu ALTALEGHJE. A ghjuria hè fatta da scrittori, critichi literarii è candidati premiati in i cuncorsi di 2021 è 2022. (Fighjà à Corse-Matin di l’altreri) chì ci ne dice di più....

CORSU: SCUPERTA È AMPARERA

Quindeci ghjorni fà, emu publicatu un articulu di a rivista Robba di Ghjuvanni VIVARELLI chì ci hà chersu di riceve duie mudifiche di u so scrittu. A femu cun piacè è speremu di pudè lu interrugà pè una stonda audiovisiva nantu à a legitimità di a lingua nustrale è a so sperienza persunale di issa “longa strada”.(Lighjite è fate vi un parè)

INGHJOCU DI I SCONTRI

Ùn hè cosa sempre sfaticata di adunisce spessu spessu ghjente per sopra à e fruntiere è di permette li di travaglià inseme. Simu fieri di avè ci la fatta. Quelli chì ci anu rispostu ed aiutatu sò diventati amichi: ci dà piacè è fiatu da cuntinuà issi cuntatti oramai tenuti è praticati...
                                                                                                                         (Da leghje INGHJOCU DI I SCONTRI)

DOUCHKA

 (Da leghje sentendu la dì)

Vulemu sente à Mariella CLEMENTI è a passione ch’ella porta à l’animali. Oghje ci parlerà di a so “seconda gatta" chjamata Douchka chì hà una persunalità unica. A u cuntrariu di a maiò parte di i gatti, li piace a cumpagnia umana è hè sempre à circà à fà si rimarcà”

U TEMPU CHÌ PASSA

(Da leghje sentendu la dì)

Mariella CLEMENTI ùn alleva micca solu l’animali casani. Hà fattu mansu ancu u tempu! Micca solu quellu impetrificatu... Ancu l’altru ... A festa di A Nunziata... È po’ u tempu chì passa! Vulete leghje Marilina? Vulete sente? 

SCONTRU CULTURALE IN CAFFÈ CUN CATHY

(Da leghje sentendu la dì)

In ssi scontri di u sabatu ribombanu musica, canti, ragiunate è parolle... Una campa!
 

MARAM AL MASRI

Tanti ringrazii  ch’è no’ devimu mandà à Norbert PAGANELLI è  L’Associu di i Pueti ch’ellu dirige è animeghja cun bella primura è tantu successu. Ultimamente ci hà fattu vene à MARAM AL MASRI, a nostra amica puetessa siriana di sensibilità è d’estru pueticu propiu tamanti è ricunnisciutu à livellu mundiale. Un’occasione magnifica di vede la, d’abbraccià la, di sente la, è di apre torna a so puesia in traduzzione corse, da l’anni 2000... 
(Da leghje una racolta ammintata in appicciu)

APPRENDRE LE CORSE/IMPARÀ U CORSU

Notre méthode d’apprentissage à distance couvre les trois niveaux du Certificat Européen des Langues (A,B,C). C’est un procédé (gratuit et anonyme) permettant d’évaluer vos compétences. Les textes supports sont prononcés en langue corse et souvent en version plurilingue (corse, français, et anglais au niveau A). Les exercices et documents sur les Baléares, la Sardaigne et la Sicile permettent de prendre contact avec le catalan, le sarde, le sicilien et l’italien. La diffusion sociale du corse mise en œuvre par la Collectivité de Corse permet de vous offrir cette réalisation et ce service.

Ci vulete aiutà à publicà a rivista tutta in corsu BONANOVA?Per quessa, rimandate ci stu biglittinu cù un sceccu intestatu à Associu CCU (1 numeru doppiu à l’annu costa 6€)
Arrugamentu da u numeru doppiu 43 sin’à u numeru …= 6 € ..X.. = ... €
Nome è CASATA .................................................Mail..............................................
Adirizzu..pustale ..............................................