SPASSIGHJATE

(Stà à sente è po ripete)

A Punta à a Vetta hè una cima di muntagna alta duiemila duiecentu cinquantacinque (2255) metri è face parte di l’inseme massicciu di u Monte Renosu duiemila trecentu cinquantadui (2532) metri. U Renosu hè u terzu di i quattru più alti massicci di Corsica chì sò Cintu, Retondu, Renosu è Alcudina. U Renosu hè situatu in u centru-sudu di a Corsica, trà Aiacciu ed Aleria. I so limiti à nordu è à ueste sò e valle di U Taravu è A Gravona. Si face chì U Renosu hè a separazione naturale trà Cismonte è Pumonti nantu à una parte di a Sarra centrale distesa trà e foce di Vizzavona è di Verde.

(Leghje u testu curendu a prununzia di e sciffre di l’altura)

E Caldane sò una sarra di muntagna media chì si stende nant’à una decina di chilometri da u nordueste ver’di u sudeste. Issa sarra nant’à a so parte alta t’hà un’infilarata di puntali pocu marcati alti à pocu pressu 1700 metri da nordu à sudu: u Monte Mufraghje (1712 m), a Cima di Callerucciu(1731 m), a Punta di E Caldane (1724m duv’ella ci hè a croce sumitale è po a Punta Ventosa chì face 1686 metri.

Dopu lettu, state à sente u sonu…

Un rigalu di Patrizia GATTACECA:

Vi arricurdate?... Era Natale pocu fà... Per l’occasione Patrizia ci hà rigalatu stu PICCULU MIRACULU DI NATALE, un ricordu di a so zitellina... Un picculu miraculu?... Sarà cusì, ma à noi, intantu, u rigalu ùn ci pare picculu, ma tamantu.

State la à sente, lighjite è ripetite, è dite ci u vostru parè...

Una primura di Cathy CAMPANA:

Cun stu testu nant’à E CABINE DI LIBRI ci insegna  Cathy i varii tempi di quelli libri... capaci à truvà lettori novi benchè frusti è minacciati di esse lampati in u mullizzu... Hè vera chì subitu li vene à dossu un altru sguardu... chì altre letture li sbuccessinu nantu...

Alè, andemu à leghje u parè scrittu di Cathy è à sente a so voce chì cunvince...

U corsu è a sociulinguistica

A sociulinguistica hà portu dapoi parechji decennii un bellu sustegnu à u corsu cum’è à tante lingue. A cunferenza di Niculaiu SORBA in Sartè hà messu in lume e dificultà è i prugressi storichi ind’è noi. Si aspetta avà cun primura ch’ellu eschi un libru da ùn mancà di leghje lu. Hè una sintesi duve SORBA usa di tutti i so studii è di a so sperienza, rimarcatu è publicatu da l'UMRLISA. Niculaiu SORBA presenta l’uriginalità corsa senza spiccà la da e varie situazione duv’elle si trovanu riferenze è casi di sumiglia. Tratta di aspetti fundamentali messi in lume in a situazione corsa a “pulinumia” scelta per attualizà a lingua corsa, ”l’elaburazione” è a “nurmalizazione”. Ci face vede l'autore quant’elle permettenu i prugressi di a lingua eri minurizata è u plurilinguisimu indispensevule per l’oghje è l’avvene. Hè un modu propiu fattivu da lacà corre “u cunflittu diglossicu” è tutte e chjusure chì ci ponu purtà ver' di a nustalgia passatista. È in più, stu studiu cumplettu è precisu hè tantu più persuasivu ch’ellu si sprime in una forma pumuntinca di a lingua corsa elaburata, senza alcuna stringhjitura, una scelta di varietà pulinomica eri pocu aduprata à u scrittu.

lumie di sicilia n.158/ 73 gennaio 2022

in questo numero: