SPASSIGHJATA IN CRACUVIA

Cracuvia hè più chjuca è podasse menu cunnisciuta chè Varsuvia, a so surellona pulunese. Ma quantunque  Cracuvia  si merita ch’omu a ci si allonghi una cria à visità la. Insturchjati ingiru à A Vistula, a cità è u so centru storicu di garbu ùn ne mancanu è si tenenu in sè veri tesori. Di fatti, cù a so storia diviziosa, Krakọw sgrumbuleghja e so bellezze da purtà ci da l’epica medievale sinu à un’epica cuntempuranea menu aggarbata. A piazza di a Merria face u batticore di a cità,  adurnatu da a catedrale Santa Maria ch’omu ricunnosce faciule per via di e so torre dissimetriche è a so maraviglia anconica rifazzulata pocu fà.

 (Leghje, sente è ripete a robba in appicciu)

NUSTALGIA... U GIUVELLU DI BABBÒ

Dapoi ch’o sò chjuca aghju una certa passione per e mane, piuttostu è mane d’omi ; ùn a sò per chì ragiò mi piacenu e mane, forse chì e mane d’omi riprisentanu a securità è a forza, forse… Babbò ghjè a mo prima fiura mansone, pè mè s’apparenteghja à un santu perchè chì ghjè calmu, pacificu ; ùn’aghju nisunu ricordu di babbò  annerbatu. Ghjè l’unica persona nant’à issa terra ch’ascolta sempre à mammò ch’ùn arresta mai di parlà è què, hè veramente una prova maestra ! Quantuque durante a mo zitellina passava u mo tempu manu ind’a manu cù u mo babbone è li dumandava sempre « O babbò fà mi pruvà iss’anellu per piacè » ancu s’ellu era troppu grande per mè mi piacia à tene lu....

(Lighjite stu racontu sanu sanu è scrivite ci u vostru parè)

LABIRINTU... UN RACONTU DI MARIA LUCIA CALLIGARI

Visione, surrealisimu, sognu o meditazione inquant’à a vita, a morte, l’adillà... Longu à a lettura d’issu scrittu trà prosa è puesia, omu passa è vene da stu mondu à l’altru... o l’altri... Qual’hè chì sà?!

In tutte e manere è qual’ella fussi a ghjustezza è/o a pertinenza di e spiigazione ch’ella porghje a lettura critica di l’opere offerte è porte à i lettori.

Dunque, davanti à issa NUSTALGIA è ancu issu LABIRINTU..., in fin’di contu s’impone l’impressione, l’emuzione ch’ellu risente è accasta quellu chì leghje.issi dui raconti differenti assai s’omu i feghja à u lume di un riacquistu tradiziunale o di un riacquistu nuvatore...

È per quessa, diceriamu à tuttognunu chì accumpagna scrittura è literatura corsa, di ùn preferisce unu o l’altru, ma d’agarbà si ad ogni pruduzzione...

....