SPASSIGHJATE : PAGLIA ORBA-dui gruppi, duie vie

Oghje hè l’anniversariu di Ghjuvanni. Da salutà issa stonda di festa, i so amichi li anu prupostu di fà si una surtita in muntagna. Anu da andà nant’à u Paglia Orba. Ma li anu da fà una surpresa. Quand’elli escenu di vittura, à l’iniziu di u chjassu di a spassighjata, ad accoglie li ci hè unu chì l’aspetta. Hè un prufessiunale guida di muntagna. È Ghjuvanni ampara ch’ellu anderà quassù in cima in cima, ma sequitendu un itinerariu di appichjata.

Dunque ci spicchemu in dui gruppi.. Noi sequiteremu quelli chì passanu pè u chjassu di spassighjata. Ghjuvanni è u guida ci anu da ritruvà finitu u chjassu di l’appichjata Finch, nome di dui alpinisti ch’anu apertu issa via à u dicennovesimu seculu.

1-Passendu per di custindi femu mottu à Tafunatu, u Ciclopu cun l’ochju turchinu

2-Oghje l’appuntamentu l’avemu in cima di u Paglia Orba, à 2525 metri

3-À pena di pazienza è si puderà ammirà a serra centrale sinu à u so puntu più insù, Cintu, o dinù Capu rossu o Minuta duve no eramu pocu  tempu fà

4-A cima sottu à un altru angulu, aspettemu quelli chì venenu pè a via Finch, latu este.

5-À l’entre di a via di u cullatu, a torta di festa anniversaria aspetta calma calma à quellu chì li vene

6-Tocca à malfidà si di i dinosauri chì giranu quì (Bedriaga) è s’ella casca si sciaccanu tuttu tuttu.

7-Un giratondulu dopu à a festa, è po si fala  pè i tunnelli  di Paglia Orba. Sottu à noi si vede à pena  u rifugiu di  Ciottulu di i mori.

8-Blocchi è petronculi da francà, a girandulata si ghjoca.

9-Fiori di petricaglia adenostile di Briquet, un endelmcu corsu.

10-Un’idea di un tunnellu, un affare da rivede u to summer body.

11-Ed eccu ci, si ritrova da l’altra banda una vista abituale.

12-Sott’à Paglia Orba a bella squatra d’issa ghjurnata.