Regardàvi la mar

 

REGARDÀVI la mar

A soun fin bout uno velo o un port

E lou rebat dόu soulèu toumbant

N'en marcavo la draio

 

Escoutèri la mar

M'ensignè I'anamen

Pèr teni lou camin

Que meno à la toco

 

S'un còup as chausi soulide

Perdes pas ta toco de visto

Fai avans vers ta velo otoun port

Prouficho lei courrènt que van pèr aqui

Escouto lei marin que partejon ta routo

Pouarge-lei toun pan e couseio-ti d'éli

E d'aquéli que li van pèr uno autro routo

 

S'un còup rescontres en routo

De gènt de mar que landon d'autro part

Vers d'àutrei mar

Saludo-lei de la man

E leissas-vous passa

Escoutes pas sei bouano o marrìdei resoun

Parlarés pas dei mùmei mar e dei mùmei routo

Que cercarés pas lei mùmei velo o lei mùmei port

Que serto de parla en pas si coumprenènt ?

 

 

PhilippeBLANCHET; Canto de l’èste intre oumbro e soulèu, Berre-L’Étang, Lastado Prouvençalo, 2006.

Publicatu in : MicRomania 2.2017

 

15