Allistinendu l’autori di i scritti cuntenuti ind’è InterRomania, cù e so nutizie biugrafiche è bibbiugrafiche (in parechje lingue quant’ellu si pò) si vole spechjà l’inseme di e persunalità literarie chì facenu a nostra literatura, sia direttamente essendu scrittori corsi, sia in partenariatu regulare, osinnò per via chì e so opere anu a so influenza nantu à a spressione è l’estru di a creazione corsa.