SPASSIGHJATA IN A «CASA DI A FALCUNAGHJA »
Spassighjata literarie è pedagogiche
![](https://interromania.com/sites/default/files/styles/image_400xx/public/1-_en_arrivant_a_a_casa_falcunaghja.jpg?itok=aNA2zvrJ)
![](https://interromania.com/sites/default/files/styles/image_400xx/public/2-_la_nature_reprend_ses_droits.jpg?itok=blr4-3ma)
![](https://interromania.com/sites/default/files/styles/image_400xx/public/3-_porte_dentree_dans_le_corps_de_lhabitation.jpg?itok=t3WAk2pw)
![](https://interromania.com/sites/default/files/styles/image_400xx/public/4-_linterieur_temoigne_du_grand_soin_accorde.jpg?itok=KX54tpJD)
![](https://interromania.com/sites/default/files/styles/image_400xx/public/5-_la_maison_sintegre_parfaitement_dans_le_rocher.jpg?itok=IPuVpZ82)
A casa di a Falcunaghja
In u rughjone balaninu sò una mansa di tesori. Trà quessi ci hè A Casa di a Falcunaghja, cun nome di u puntale sopra u paese Felicetu. Issa casa truglòdita saria di u dicettesimu è azzeza misteri è legende inquant’à ciò ch’ella ghjuvava è quelli chì si ne ghjuvavanu, di nomina o anonimi. U banditu Spada ci sarebbe statu, dendu cusì à a so casa una trà e so manere di insignà la : a casa di u banditu. Un anzianu merre si ne sarebbe ghjuvatu da surveglià megliu i so amministrati o da ritruvà ci e so amiche, e spiecazione ùn sò listesse. È po’ per compie, un balaninu ci hà contu chì, quand’ellu era zitellu, a casa era chjamata a casa di i pinzuti. Difficiule à decide è sarà megliu cusì, l’imaginazione pò andà torna à sgambittà senza sbagli. Ma ci hè una cosa certa è sicura: si tratta propiu di quessu u prumuntoriu ch’ellu si tratta in u cantu celebru d’I chjami aghjalesi, A Ballata di Mattea di u puverettu Dédé Nobili, autore d’unu d’issu paese :
« Ùn lu vidarei più u capu à a falcunaghja
I culombi chì d'aprile volanu sempre per paghju ».
1-Ghjunghjendu in casa Falcunaghja
2-Eccu a Natura chì si ripiglia diritti di soiu...
3-Eccu a porta duv’ellu si entre propiu à mezu à a casa
4-À l’indentru si vede propiu a primura ch’omu li dà...
5-A casa hà u so postu propiu in u scogliu...