BONANOVA -42 cun Philippa SANTONI

Scontri di 13.05.2021

Bonanova, a sfida di u rinnovu

Par: Julian Mattei

Publié le: 02 mai 2021 à 22:15

Dans: Culture - Loisirs

Cù un centu di pagine, prisenta u numeru 42, esciutu pocu fà, sempre à l'edizione Albiana, una trentina di cuntributori d'orizonti varii in giru à u capiredattore di a rivista, Alanu di Meglio.Cù un centu di pagine, prisenta u numeru 42, esciutu pocu fà, sempre à l'edizione Albiana, una trentina di cuntributori d'orizonti varii in giru à u capiredattore di a rivista, Alanu di Meglio.
Doc Settimana

Cù un centu di pagine, prisenta u numeru 42, esciutu pocu fà, sempre à l'edizione Albiana, una trentina di cuntributori d'orizonti varii in giru à u capiredattore di a rivista, Alanu di Meglio.Cù un centu di pagine, prisenta u numeru 42, esciutu pocu fà, sempre à l'edizione Albiana, una trentina di cuntributori d'orizonti varii in giru à u capiredattore di a rivista, Alanu di Meglio.
Doc Settimana

Cù un centu di pagine, prisenta u numeru 42, esciutu pocu fà, sempre à l'edizione Albiana, una trentina di cuntributori d'orizonti varii in giru à u capiredattore di a rivista, Alanu di Meglio.Cù un centu di pagine, prisenta u numeru 42, esciutu pocu fà, sempre à l'edizione Albiana, una trentina di cuntributori d'orizonti varii in giru à u capiredattore di a rivista, Alanu di Meglio.
Doc Settimana

1 / 1

Dopu à vint'anni è più di scrittura, hà decisu di cambià versu a rivista literaria di lingua corsa di più longa durata. Una pagina chì si gira per mette in ballu un novu prugettu edituriale

Amminteranu certi una fine di ciculu o un soffiu novu. Più di vint'anni di pruduzzione literaria diviziosa eppo hà intesu Bonanova stu bisognu di cambià versu.

PUBLICITÉ

Girà una pagina per durà ? Mancu appena chì ferma a rivista di l'associu di sustegnu di u centru culturale universitariu (CCU) di Corti a publicazione literaria di lingua corsa di più longa durata, da i primi di l'anni novanta.

Francatu u numeru quaranta, a leva hà fattu purleva per cuntinuà à dà a parolla à a creazione incù un spaziu di più apertu à e generazione nove. Senza lascià in cantina e penne più cunfirmate. Cù un centu di pagine, prisenta u numeru 42, esciutu pocu fà, sempre à l'edizione Albiana, una trentina di cuntributori d'orizonti varii in giru à u capiredattore di a rivista, Alanu di Meglio.

« Avemu vulsutu dà sboccu à una spressione d'oghje »

Ci trova omu scritti di creazione, traduzzione, analisi literarii... dà spaziu sta formula nova di Bonanova à un estru esciutu da l'ambiu studientinu è in particulare da l'attellu di scrittura di u centru culturale.

« Avemu circatu à cambià propiu l'andatura generale, cunferma Ghjacumu Thiers, u presidente di l'associu di sustegnu di u CCU. À l'Università, a prisenza di i giovani viaghja cù i so pedi è, in stu filu, avemu vulsutu dà sboccu à una spressione d'oghje è un spaziu da ch'elle si scontrinu generazione sfarente. » Eccu la l'andatura : favurizà a creazione ma dinù u sguardu nant'à a creazione. Hè un pezzu ch'ella avia in capu a redazzione di Bonanova di sviluppà ciò chì manca à a Corsica dapoi anni è anni : un spaziu d'analisi.

A rubrica si chjama « Critica » è cerca à arrecà un sguadu novu nant'à a spressione literaria. « U scopu hè d'incalcà nant'à u studiu di i testi, invece di lampà solu un'ochjata à e publicazione nove, spieca Petru Santu Menozzi, chì face parte di a squadra di redazzione.

In fatti, si tratta d'andà al di là di a prisentazione di l'opere per sparte propiu una sperienza di lettura ».

« Ùn si hè mai scrittu cum'è oghje in lingua corsa »

Chì osinnò ferma sempre a vuluntà d'apertura chì hà fattu da l'iniziu l'identità di Bonanova.

Si cunferma cù l'ultimu numeru a variatezza di i temi è ancu l'idea di scopre orizonti novi al di là di a Corsica per via di l'arte di u cantu o di a puesia.Soprattuttu, cuntinu ghja à fà a squadra di a rivista a dimustr zione ch'elli anu arrecatu i scrittori di lingua corsa durante sti vint'anni scorsi una divizia mai tocca.

Chì puru si scrive (assai) malgradu i tempi incerti di a lingua. « Quandu si sente dì chì ùn si scrive più in corsu, ghjè un sbagliu tamantu, accerta Ghjacumu Thiers. À dì la franca, ùn si hè mai scrittu cum'è oghje in lingua corsa ».