Vire Napule
Attività altre
Nantu à u to vascellu l’anima vagabonda
Si ramenta a storia di a to sponda vechja
Quand’ella spirò quì Partenope di l’onda
Nascisti cù l’azurru …
Napuli di palazzi, di custere è d’aranci
Di circondi isulani di vigneti è di pampana
Sottu à i to celi puri Vesuviu in lu so avvampu
Cura l’albe marine …
Sò i casali ochjuti, ci spendecanu panni
U ventu ci s’azzinca è ride trà e volte
Sporta colma à prufumi à mughji è à culori
Spacca Napule e voce di centu mila cori
U to visu hè a terra assuvata à parolle
À brame di partenze à letti pazientosi
A to pelle di sole conta e to griviglie
Napuli duve sò risa è piantu sumiglia
Vire Napule… cun tè…
Napule di a notte chì accende l’orizonte
Duve veghja l’amore
Quand’ellu volta un omu cù un mazzulu di fiori
È ti face Regina da ch’è tù ci innamori.
Vire Napule…cù tè…