Introitu

Aiò, lasciate corre ! Ùn ci avete quantunque micca da dì ch’ellu vi dispiace u sforzu ch’ella vi hà custatu ?! Dui ghjorni di spassighjate varie ùn hè micca un prezzu altu neh? Un situ magnificu pè un’arretta meritata dopu à qualchì ora à cullà: una, duie o trè? Eiu, ùn l’aghju cuntate! Issu cantucciu di paradisu in piena muntagna. Un locu di pace chì u tempu, pare tuttu ch’ellu ci si fussi piantatu! Una surgente chì spiscina trà mezu à e puzzine è po quelli prati sparte in un decoru idillicu. A passighjata ver’di Punta à a Vetta, a Punta Capannella è u lavu di Bracca ? Cridite mi puru, ci vulterete... È più di una volta!!

Cumentu di i dece ritratti

1 – Principia tuttu cù u salutu di u sole à u so pisà in celu.

2 - Un picculu puntale più tardi: hè stampata nantu! Punta à a Vetta, 2255 metri.

3 - Pozzine de Pozzolu

4 - Mi pare ch’ell’hè ora di i vesperi à I Pozzi.

5 - Alè, u lindumane torna l’attippà da ghjunghje in Punta Capannella (2250 m.) è a bella vista da quassù. À manu dritta u lavu di Bracca è in faccia A Vetta.

6 - Un fiurucciu chì stà bè è prumette tantu : l’Ascinziana.

7 - In armunia cù u lavu di Bracca.

8 - Più inghjò, cambianu i culori à u lavu di Vitalaca.

9 - Una stonda d’arrigoglie si, passendu vicinu à i resti di una strage: un stratoliner quì s’hè sfracicatu , in u 1962.

10 – U lavu Nielluciu dice ch’ellu hè à mumenti l’ora di u vesperinu à u Fucone Capannelle