Evviva u Cardinale ! 

O la festa o l'allegria
Pà San Ghjuvà di Bastia
Chì tale una catedrale
Accoglie un Cardinale
Da i soi aspettatu
Cum'è Corsu affezzionatu

Quand'ellu hè statu ordinatu
Anc'u Papa hà rimarcatu
U tremendu attaccamentu
Per stu prete di talentu
D'ottucentu cristiani
Pietosi è isulani

Venuti à accumpagnà lu
Pronti à sciaccamanà lu
L'anu intesi da luntanu
Fieri di lu so tercanu
U populu di Francescu
Sustene u caru vescu 

Li preghemu longa strada
Infiurita è venerata
U Signore u ci hà mandatu
È l'avimu aduttatu
Pè sempre in Cursichella
Di a fede sentinella.

Cathy Campana 8/10/23