Pè andà subitu à cunsultà i ducumenti, cliccate nantu à e parolle scritte in rossu

Salute,

Sta volta,

1- « STONDE ».
Hè un pezzu chì u CCU urganizeghja baratti ingiru à temi literarii è culturale è artistichi. Stonde hè dinù un filu di parolle è di spressione dedicatu più in particulare à e pruduzzione in lingua corsa. Eccu quì una passata filmata in un attellu. In un decoru mancu à pena accunciatu. Ma cun spuntaneità è piacè. L’ambiente si risente puru s’è a qualità di l’arrgistramentu hè... ciò ch’ella hè. Vi vuliamu solu dà un’idea di u nostru piacè.
Si sente pueti, teatrini è cantarini in un mumentu di spressione d’estru liberu. 
 

2- ROBBA CORSA, SGUARDU D’ITALIA …
In una messa à ghjornu precedente, avemu accinnatu à u libru di Stefano TOMASSINI, publicatu ind’è Feltrinelli in u 2000: Amor di Corsica. Hè piaciuta à unepochi chì a ci anu detta. Eccu dunque dui altri passi:
- un ritrattu attente è ironicu di Aiacciu
- un altru cun listessu versu in quantu à Corti.
Per Bastia è l’altri lochi di Corsica, ci ne hè altru è tantu! 
 

3- TESTA DI RAME, TEATRU LIVURNESE
Ind’è l’ultima messa à ghjornu, vi parlavamu di TESTA DI RAME, teatru in Livurnese. Eccu un arrigistramentu di a rapresentazione fatta in Corti. Ci hè dinù Ghjuvan Petru GIUDICELLI, prugramatore teatrale chì discorre d’issa rializazione cù u dramaturgu Gabriele BENUCCI, è Andrea GAMBUZZI, dramaturgu è attore.
 

4- DA CORSICA, SARDEGNA è L’ISULE MEDITERRANEE
Ùn si parla più di un prugettu chì vulia diventà prugrama ed avia accoltu Baleare, Corsica, Sardegna è Sicilia. I Corsi ci cridianu assai. Era u ben di IMEDOC! (Isule di u Mediterraneu Occidentale).
U situ CASA DELLA SARDEGNA ci volta cù un articulu da rileghje di Emmanuel BERNABÉU-CASANOVA publicatu dece anni fà ind’è Hérodote.

5- ATTIVITÀ CUN L’ UMR LISA

• L’UMR CNRS di l’Università di Corsica vi invita à visità a mostra chì sarà inaugurata u mercuri 3 di lugliu à Meziornu à u Spaziu Natale LUCIANI, Università di Corsica
« Gênes & Bastia, deux foyers emblématiques
d’un art religieux populaire »

presentata da Frédérique VALERY
 

         • A squatra d’Archeulugia di l’UMR LISA vi invita à l’apertura di i so primi scavi nantu à u situ di "Suaricce" (situ San Ghjuvanni in Corti)
Appuntamentu u 2 di lugliu da 14 ore.
S’è vo vulete telefunà : 06.21.42.06.42 / 06.20.60.05.87