MESSA À GHJORNU DI U 15 DI MARZU DI U 2021

« IL EXULTERAIT S'IL ETAIT PARMI NOUS.. » :

Il s’agit –qui l’eût cru ?!- de RIVAROL qu’évoquait ainsi Jacques BRIGHELLI, président de l’UCPP qui recommandait la création de CAPES et AGREG de corse en 1986 dans une lettre à René MONORI, alors ministre de l’E.N.

Une démonstration très pertinente et bien documentée, à verser dans l’actuel dossier de la… « réforme » du CAPES. De quoi juger les conditions de cette question après 34 ans!

SPASSIGHJATE LITERARIE: “TIGRU”

“U fulcloru magicu di a Corsica” (cum’ellu u chjamava u ben di Roccu MULTEDO) hà ispiratu pruduzzione urale in manera cuntinua è, cù U Riacquistu, una leva nova di scrittura (si pensa per indettu à u Mazzerisimu di Teatru paisanu è à l’opere di Ghjuvan Claudiu ROGLIANO).

In quant’à stu “TIGRU” di Maria Lucia CALLIGARI, a cuntinuittà si hè fatta in modu naturale. Da isse fole è raconti intesi da chjuca chjuca hè sbucciata sti pochi anni una creazione chì s’insuchja d’issa fonte è a rinnova in una prosa  narrativa chì li hà fattu vince per indettu u Premiu di a Nuvella purtatu tutti l’anni da l’Associu MUSANOSTRA.

Tigru hè da leghje è da sente, è po ancu à ripete ne l’infrasate sputiche è literarie assai.

SPASSIGHJATE LITERARIE:  “I TRÈ  FRATEDDI  È A VERGHJINI MARIA”

Scuprendu u versu è i ritratti di persunagi, puru santi è sacri, in issa literatura à bocca, si intravede perchè chì anu pussutu attirà, tene è appassiunà tante leve, zitelli o ghjente fatta. Ci vole à dì chì, cacciatu i puderi mitichi è ... magichi, a sumiglia cù a ghjente scontra in i lochi di vita vera si presentava cusì.. cumuna! Stu testu scrittu in corsu è lettu da Dumenicu BIGHELLI hè in I Raconti pupulari di l’Isula di Corsica racolti editati in francese in u 1883 da Federicu ORTOLI .

Lighjimu è sentimu è dopu, ripetite a lettura d’isse pagine (177-179) sentendu dinù a voce di l’amicu Dumè.

ANNI 50-70/ SENTE È VEDE CANTÀ...A CORSICA

Vultendu in Corsica dopu à u so primu studiu di u cantu è a musica di Corsica, l’etnomusicologu Wolfang LAADE hà nutatu cambiamenti è permanenze è  spressu un parè apparagunativu, vistu i varii è numarosi viaghji ch’ellu fece pè e culture di u mondu. Cun sti ducumenti Brigitte RANC-ZECH  compie un primu lampu di una ricerca utilissima da sequità,capisce è pensà ancu à l’avvene culturale...

Un invitu à visità musei è libri chì aiutanu à tene issa memoria...

SCRIVE è SCRIVE IN PROSA:

Ritruvemu à Marie-Luce CALLIGARI. Issa prufessora di Lettere dice oghje cum’ella hè passata da a spressione cursofuna solu orale à a scuperta di e capacità di scrittura è creazione in lingua corsa ch’ella purtava in sè. Issa testimugnanza face capisce cume a curiusità culturale è a riflessione nant’à e risolse persunale accrescenu a vitalità spressiva è creativa di una lingua viva, tenuta cara, ma sticchita mancu à pena!

Ghjova à infurmà si nantu à u mazzerisimu. Lighjite puru "LES DIVERSES FORMES DE MANTIQUES EN CORSE". Hè un esempiu da cunnosce è da sparte...

 

“BONANOVA 42” »

Forse averete ricevutu stu messagiu da unepochi di macagnoni di l’Associu Ccu

Pasqua Pifania

À chì ùn hà Bonanova

Tuttu l’annu si lagna! Dunque:

Spicciate vi... Cumprate stu numeru 42 chì ne ferma pochi è micca!

Ma ùn vi inchietate, n’avemu sempre. È s’è vo vi vulete arrugà, sarà ancu megliu...

Truverete in appicciu duie infurmazione nantu à i scritti publicati in stu numeru

Purteriate sustegnu è affollu utilissimi arrughendu vi dinù à parte si da stu numeru 42

Associu di Sustegnu CCU

CCU-Università Pasquale Paoli

20250.CORTI

___________________________________________________________________________

Rimandate ci stu biglittinu cù un sceccu intestatu à Associu CCU (1 numeru doppiu à l’annu costa 8€)

 

Arrugamentu da u numeru doppiu 42-43 sin’à u numeru .....……= 6 € X …= ... €

CASATA :........................................................………………...........................................

Nome :.............................................................................................................................

Adirizzu :..........................................................................................................................

Mail..................................................................................................................................

------------------------------------------------------------------------------------------------------------------

----------------------------