1-A storia d’un amore

Ùn sì più à fiancu à mè, tesoru,
In a mo alma ùn ci hè più ch’è sulitudine
E postu ch'ùn ti possu più vede,
Perchè chì Diu hà vulsutu ch’o ti tenghi caru
S'ellu hè per fà mi soffre di più.

Sì sempre statu u mutivu di a mo esistenza.
Adurà ti, hè statu per mè a mo religione 
È in i to basgi eiu scuntrava
U calore dati 
Da l’amore è  a passione.

Hè a storia d’un amore
Cum'è ùn ci hè  ne d’altre,
Chi m'hà fattu capì
Tuttu u bè, tuttu u male,
Chì hà datu luce à a mo vita,
Spinghjendu la dopu.
Oghje, a vita hè cusì scura 
Senza u to amore, ùn possu campà di più !

Ùn sì più à fiancu à mè, tesoru,
In a mo alma ùn ci hè più ch’è sulitudine
E postu ch'ùn ti possu più vede,
Perchè chì Diu hà vulsutu ch'o ti tenghi caru
S'ellu hè per fà mi soffre di più.

A mo storia hè a storia d’un amore
U mo lamentu hè u lamentu di dui cori
Un rumanzu cum'è tant’altri
Chì puderia esse u vostru
Ghjente di quì o d’altrò

Hè a storia d’un amore
Cum'è ùn ci hè  ne d’altre,
Chi m'hà fattu capì
Tuttu u bè, tuttu u male,
Chì hà datu luce à a mo vita,
Spinghjendu la dopu.
Oghje, a vita hè cusì scura 
Senza u to amore, ùn possu più campà !

Hè a fiamma chì infiara senza brusgià
Hè u sognu chì sunniemu senza dorme
Cum'è un arburu chì s’arrizza
Pienu di forza è tenerezza
Versu à u ghjornu chì hà da nasce.

A mo storia hè a storia d’un amore…
A mo storia hè a storia d’un amore…

« Historia de un amor » Carlos Eleta Elmàran – 1955 - © Editorial Mexicana De Musica Int. S.a. (emmi)

2-PENSA À MÈ

Sè ai un prufondu dulore, pensa à mè,

S’ellu ti scappa u pientu, pensa à mè.

Guarda quantu veneru a to fiura divina,

A to bocca innucente, cusì zitellina,

M'hà amparatu à peccà.

Pensa à mè, quande tù soffri,

Quande tù pienghji

Ancu tandu pensa à mè.

Quande tù voli,

Piglià mi a vita, ùn n’aghju micca bisognu,

Chì ùn mi serve à nunda senza tè.

Parolle : María Teresa Lara Aguirre “Piensa en mí” – 1935 - © Peermusic Publishing. Banda uriginale di u filmu “Tacones lejanos” di Pedro Almodovar - 1991