Versione :
Corsu

Sogni di culori - Marianghjula Antonetti-Orsoni


Sogni di culori
Albiana / CCU 2012
Cullezzione Veranu di i pueti

72 pagine
Furmatu : 12,5 x 21 cm
ISBN : 978-2-8241-0346-4

 

Prezzu : 9 €

Arancinu

Sò u rossu di u focu inguernincu
Sò u giallu di u sole statinarescu
Sò u rossu di a rosula chì pugne
Sò u giallu di l’arba chì si secca
Sò u rossu di u bagu di a vaghjinata
Sò u giallu di a coria veraninca
Sò u rossu di u sangue chì corre
Sò u giallu di l’acqua impuzzata
Arancinu fattu di rossu è di giallu
Sò u culore di u serenu…
Riteni u to soffiu
Ùn dì più nunda !.
..

Marianghjula Antonetti-Orsoni
Insignante à a ritirata, hè nata in u 1946 in Parigi di parenti moltifinchi. Hà fattu i so studii à a Scola normale d’Aiacciu è hà ottenutu un D.E.A. di studii corsi à l’Università di Corti . Hà participatu tandu à u Nouvel Atlas linguistique de la Corse fendu a so ricerca etnulessicale in Moltifau è in Nuceta.
Hè dinù secretaria di l’associu patrimuniale Moltifau Tempi Fà è li piace à fà ricerca di genealugia incù l’associ A.G.C. è R.H.F.C. Hà participatu à a racolta di sapè nantu à e piante in Arburi, arbe, arbigliule (P.N.R.C.,Ajaccio, 1985).
E so puesie sò esciute in l’Atti di e sessione universitarie d’estate 83 (Bastia, 1984), Università d’estate 84. Papiers de travail (Bastia,sd), Cismonte (Corti, 1984), Rigiru (Ajaccio,1988) è Parulle di donne (C.C.U., Corti,1993).In sta cullezzione Veranu di i pueti hà publicatu, in u 2009, una prima racolta di puesia, Sfoghi (Albiaba-CCU).

 

Publicatu in 2012

Edizione :

(72 pagine - 9.00€)