Da parechji anni si sò sviluppati i studii, ricerche, cunferenze è varie publicazione in quantu à e relazione trà Corsica è regione d’Italia in cor di u XIXu seculu. Isse quistione, ammintate è scavate da sempre è in particulare trà e duie guerre mundiale eranu state ligate assai à u clima ideologicu è à e vicende di a pulitica trà Francia è I Stati belligerenti.
Un cuntestu novu, a pace, a sparizione di e pretensione irredentiste è i primi chjassi di a cuuperazione europea è interregiunale anu favurizatu u rinnovu di e relazione è l’affaccà di travagli numerosi, precisi è sgumbrati da l’ostaculi anteriori.
Ripigliemu quì unepoche di tematiche, accuppiendu studii digià publicati è altri, più recenti, chì ne cumplettanu o ne stendenu più inlà e cunclusione.