PÈ ANDÀ SUBITU À CUNSULTÀ I DUCUMENTI, CLICCATE NANTU À E PAROLLE SCRITTE IN ROSSU O I LEGAMI

SALUTE,

STA VOLTA,

IMPARÀ U CORSU... CU INTERROMANIA!
À ce jour 288 usagers de notre site se sont inscrits pour vérifier leur apprentissage du corse grâce au système d’évaluation des compétences individuelles.
Imparà u corsu est en accès libre et gratuit. Vous pouvez des maintenant utiliser la méthode en version « supranaccia » (variété corse du nord). Nous mettrons en ligne prochainement la version « suttanaccia» (variété corse du sud ).
 

Si ne hè andatu Santu CASTA, ghjorni fà.
Santu Casta, prufessore di lettere è di corsu era un scrittore è un pedagogu sceltu, appassiunatu di lingue è di cultura. Ci manca digià. Pensemu à tè, o Sà, è u to amore di a Corsica sarà sempre un esempiu fattivu.
E so pruduzzione pedagogiche sò ammanite cù l’edizione di u CRDP di Corsica, invece chì l’opera literaria hè un castigu à sculinà la, parechji d’isse publicazione essendu diventate scarse scarse subitu publicate!
Saria un’opera di accoglie l’inseme di i so scritti literarii in un’edizione nova. Cusì si puderia mette li ammaniti, puru puru, pè u publicu chì hà sempre straziatu à truvà lu in libreria. Un’opera di memoria è di rispettu, ma dinù una lettura di riferenza ancu di avvene pè a literatura corsa chì prova à fà si a so strada...

55 NAZIUNALITÀ À L’UNIVERSITÀ DI CORTI
In stu principu d’annu sò 55 naziunalità trà i studianti à l’Università di Corti. 300 studianti internaziunali. U mondu –una bella parte- presente in pienu centru di a Corsica. Una campa. Rapresentanu culture, lingue è baratti di garbu è di prufittu pè i baratti identitarii è culturali.
Sophie TIEDREBEONGO stà in Corti da u 2011. A ringraziemu propiu di fà ci sparte un pocu di a so cultura burkinabè. L’intervista ch’ella ci hà accurdatu dice propiu assai di lochi da duv’ella vene, ciò ch’ella piglia è ciò ch’ella porta quì. Pruveremu ognitantu à dà una fidighjata nantu à sta ricchezza culturale...