Cliccate in fondu di sta pagina, nantu à e parolle scritte in rossu

     Dopu à l’ultima messa à ghornu :

     • Trà e reazzione, questa quì, di un currispundente cumerciante :

        Bravi! Mi date l’idea di fà ne altrettantu incù a cascia di u mo cumerciu, sia mette i messagi nù e 2 lingue! si avvicina a coofficialità!

     • Hè piaciutu assai u filmettu insignatu da Ghjermana DE ZERBI.  A data di rializazione, chersa da unepochi : 1963 !

     Sta volta, tenite vi fermi chì partimu pè isse stelle ! Ci porta u Prufessore Jacques VAUTHIER cù una cunferenza nantu à i prugressi cuntempuranei di a cunniscenza di cum'ellu si sparghje u lume ind’è l’universu è e cunsequenze nantu à u l’energia di i mondi, ma ancu e rifurmulazione di e certezze scentifiche è l’affaccà di scenze nove. Fighjate sti trè passi video di a so cunferenza L’ENERGIA DI U LUME IN A SCENZA CUNTEMPURANEA. Nutemu d’altronde chì Jacques VAUTHIER, direttore di un ciculu di cunferenze dettu « La Science à sa limite » prepara a publicazione di isse parolle scentifiche urganizate l’annu passatu in u quatru di l'Università Inter-Età.

                      Si truveranu ind'è Scontri>Cunferenze 

A l'occasione di a Ghjurnata Mundiale di a puesia, ghjovi u 21 di marzu 2013 in Alghero Antoni ARCA leghje "in corsicanu" u puema sceltu per figurà "in tutte e lingue di u mondu" in e traduzzione preparate da i Catalani.