Si sà chì a quistione di u trattamentu di a rumenzula in Corsica hà fattu nasce è cresce una crisa impurtante longu à i mesi scorsi. A suluzione definitiva ùn hè ancu à truvà. Nantu à stu tema chì move quistione fundamentale nantu à campà attuale è futuru, l’opinione pupulare hè sensibilizata assai. L’accostu comicu pò esse un modu sucialamente utile di ammintà u prublema. Hè statu iniziatu un travagliu di cumpusizione satirica è ridicula chi mette in scena un’artista di mistiere è cumedianti amatori o in furmazione. Sta prima prova hà accoltu ingiru à Patrizia Gattaceca, studianti di LCC è participanti di l’Attellu “A PASQUALINA” chì a li provanu in impruvisata è scrittura teatrale. A tematica? A merressa di u paese L’ACQUA riceve l’abitanti di a so cumuna chì venenu à lagnà si di i danni nantu à l’ambiente è a vita in paese. Rapresentazione di u spettaculu.

U testu rapresentatu hè statu scrittu:
- da G.Thiers pè a parte di a Merressa è accunciata, accrisciuta è ritocca da P.Gattaceca
- da G.Cimino pè e parte di i trè paisani venuti à lagnà si

A direzzione d’attori...
l’hà fatta G.P.Giudicelli

Ghjocanu...
A Merressa: Patrizia GATTACECA
I trè paisani: Camellu Antonini, Petru Paulu LORENZI, Filippu WEBER,.