MESSA À GHJORNU DI U 15 DI DECEMBRE 2012
Vita di l'associu
![](https://interromania.com/sites/default/files/styles/image_400xx/public/esch-sur-alzette.jpg?itok=Z8N_vc4V)
Dui mumenti di piacè per sta messa à ghjornu :
1) Patrizia GATTACECA : (in a rubrica : Literatura> Teatru)
Ùn la mancate, a prossima volta ch’ella u ghjucarà ! Sarà in Siscu, u 28 di decembre à sera.
Intantu fighjate sta stonda stratta da u so spettaculu novu: U VIAGHJU.
Tuttognunu cunnosce e canzone di Patrizia, ma sta volta a scuprimu teatrina, chì quand’ella li casca, li piace à ghjucà a cumedia. Anni fà era in una pezza di Ghjannettu Nottini, Ficca ficca, è po ci hà fattu sbillicà in u rollu di a ninfa Eco ind’è Labirintu, è pod a pocu face un spettaculu sola, interpretendu persunagi parechji è cuntendu stalvatoghji è storie di i nostri rughjoni, ma ancu ritratti universali. U Viaghju ci mette in aviò sopra à Puretta.
2) Alexandra FIXMER : (in a rubrica : Literatura> Puesia)
Puetessa, editrice, prufessora di lettere à u Lussemburgu, Alexandra hà messu a manu cun l’edizione PHI, à a nostra antulugia di a puesia Corsu-francese A Filetta, publicata anni fà. L’emu ricevuta in Corti per Turchinu Maiò. L’hà interrugata Alanu Di Meglio nantu à u Lussemburgu, a lingua è a so puesia.
Di soiu, si lighjerà dinù dui puemetti in prosa stratti da u so Vers blanc publicatu st’annu da MaelstrÖm, Brussele sottu forma di un picculu bookleg chìhè una vera delizia.
L’hà traduttu in corsu Francescu Micheli Durazzo.
Alexandra parla dinù di a coofficialità linguistica in Lussemburgu. Una riferenza utile pè i Corsi chì ci pensanu in stu mumentu pè a nostra sucetà. Dunque si veca Coofficialità in Lussemburgu (in a rubrica : Scontri> Cunferenze)